+20 °С
Ясна
Telegram
VK
OK
Бөтә яңылыҡтар
Бәйгеләр
16 Ноябрь 2018, 16:24
Республикама дан йырлайым!
Ошондай исем менән Башҡортостандың 100 йыллығына һәм Республика көнөнә ҡарата шиғыр һөйләүселәр конкурсы үтте. Унда өс мәктәптән 22 уҡыусы көс һынашты.
Ошондай исем менән Башҡортостандың 100 йыллығына һәм Республика көнөнә ҡарата шиғыр һөйләүселәр конкурсы үтте. Унда өс мәктәптән 22 уҡыусы көс һынашты.
Шиғырҙар тыуған ер, тыуған ил тарихы, тыуған яҡтың тәбиғәте тураһында саф башҡорт телендә яңғыраны. 3-сө мәктәптән Азалиә Аҫылбәкова, Ләйсән Ҡәүиева тасуири һөйләүҙәре менән айырылып торҙо. Күп кенә урыҫ телле уҡыусылар ҙа башҡортса белеүҙәре менән һоҡландырҙы. Улар араһынан Алёна Голинецтың (2-се мәктәп) һәм Виктория Старожуктың (3-сө мәктәп) сығышын айырым билдәләп китергә мөмкин. Әйткәндәй, бәйгене 2-се мәктәп уҡыусылары матур итеп алып барҙы.
Жюри ағзалары – башҡорт теле һәм әҙәбиәте уҡытыусыһы Ләйсән Фуат ҡыҙы Сиражетдинова, методистар Гөлназ Хәким ҡыҙы Италмасова, Татьяна Шаһыбал ҡыҙы Усмановалар конкурста ҡатнашыусыларҙың ныҡлы әҙерлеген, әүҙемлеген һәм сараның юғары кимәлдә үтеүен билдәләне.
Башланғыс синыфтар араһында I урынға – 3-сө мәктәп уҡыусыһы Азалиә Аҫылбәкова, II урынға – 2-се мәктәптән Ильназ Сәмситдинов, III урынға 3-сө мәктәптән Ләйсән Ҡәүиева һәм Илдар Йыһаншиндар лайыҡ булды. V – VIII синыфтар араһынан I урынды 2-се мәктәп уҡыусыһы Алёна Голинец алһа, II урынды – шул уҡ мәктәптән Нәйлә Хәлилова, III урынды 3-cө мәктәп уҡыусыһы Виктория Старожук яуланы.
Был конкурста балалар үҙҙәренең һәләттәрен асып ҡына ҡалманы, ә сығыштары менән күңелдәргә матурлыҡ, зауыҡ өҫтәнеләр. Шулай итеп, шиғыр һөйләүселәр бәйгеһе ысын мәғәнәһендә шиғриәт байрамына әйләнде: һәр сығыш йылы ҡабул ителде, шиғри һүҙ йөрәктәргә үтеп инде.
Эльза МӨХӘМӘҘИЕВА, башҡорт теле һәм әҙәбиәте уҡытыусыһы.
Межгорье ҡалаһы.
Читайте нас в
Гәзитебеҙ - дуҫыбыҙ
Ә һин, дуҫым, гәзиткә яҙылдыңмы?
"Йәншишмә" — беҙҙә ҡунаҡта
"Йәншишмә" - яҡын дуҫым!
Повестар
Шатморат ҡыҙыҡ-мыҙыҡтары
Аждаһа эҙенән
Онотмам, иптәш майор!
Тестар
Балыҡтарҙы беләһегеҙме?
Бәшмәктәрҙе таныйһығыҙмы?
Рәссамдарҙы беләһегеҙме?
Конкурстар
«Ҡоштарға ашхана»
"Оҡшаһа был өйөң, түгелһен моң-көйөң"
«Шалт» итәбеҙ, «ялт» итәбеҙ»
Әкиәттәр
Ни өсөн эт менән бесәй бер-береһен күрә алмай?
Айһылыу
Байлыҡ мәңгелекме?
Хикәйәләр
Блогер
Сәтләүекле кәнфиттәр
Күл кемдеке?
Күңелдәрҙең иләҫ-миләҫ сағы
Үҙем генә ғәйеплемен
Икеһе лә ҡәҙерле шул
Нимә ул мөхәббәт?