-4 °С
Болотло
Бөтә яңылыҡтар
Бәйгеләр
23 Ноябрь 2018, 14:50
Халыҡ моңо күңелдәрҙе арбай
Туймазыла башҡорт халыҡ йырҙарын башҡарыусыларҙың төбәк-ара конкурсын үткәреү мәҙәни тормошобоҙҙа күркәм бер сараға әүерелде. Быйыл күңелендә халыҡ моңона оло һөйөү һәм ихтирам йөрөткән, оҙон көйҙәрҙе үҙ иткән төрлө йәштәге йыраусылар йәнә бында йыйылды. Ошо йыр бәйгеһе һәләтле халыҡ башҡарыусыларын асыҡлау, башҡорт йыр фольклоры традицияларын тергеҙеү һәм артабан үҫтереү, уны киләсәк быуынға үҙ асылында еткереү маҡсатын ҡуя ла инде.
Туймазыла башҡорт халыҡ йырҙарын башҡарыусыларҙың төбәк-ара конкурсын үткәреү мәҙәни тормошобоҙҙа күркәм бер сараға әүерелде. Быйыл күңелендә халыҡ моңона оло һөйөү һәм ихтирам йөрөткән, оҙон көйҙәрҙе үҙ иткән төрлө йәштәге йыраусылар йәнә бында йыйылды. Ошо йыр бәйгеһе һәләтле халыҡ башҡарыусыларын асыҡлау, башҡорт йыр фольклоры традицияларын тергеҙеү һәм артабан үҫтереү, уны киләсәк быуынға үҙ асылында еткереү маҡсатын ҡуя ла инде.
Бына сәхнә түренә бәйгелә еңеүселәр саҡырыла. Балалар төркөмөндә Туймазынан Дарина Мөфтәхова, Марат Әхмәтйәнов, Балтастан Амалиә Ғәйниәхмәтова һәм Азалиә Хәсәнова, Яңауылдан Зөлмир Закиров лауреат булып танылды. Беренсе урын иһә Туймазы балалар музыка мәктәбе тәрбиәләнеүсеһе, моңло тауышы менән барыһын да әсир иткән Морат Заһировҡа бирелде.
Ә инде Бөрйәндән йыр-моң аҡһаҡалы, балаларҙың сығышын яратып ҡабул иткән Дәүләтбай ағай Рәхмәтуллин махсус приз алып ҡыуанды.
Гала-концерт һуңында Гран-при хаҡлы рәүештә Ғафуриҙан Рәмил Ҡотдосовҡа тапшырылды. Баймаҡ районының данлыҡлы Буранбай ауылында тыуып үҫкән оҫта йыраусы һәм ҡурайсы ул. Әлеге көндә Красноусолда район мәҙәниәт йорто ҡарамағындағы «Мағаш» халыҡ ҡурайсылар ансамблен етәкләй.
– Мин хатта был бәйгене халыҡ сәнғәте мәктәбенең бер өлгөһөнә тиңләр инем, – тине ул. – Ниндәйҙер яңы баҫҡыстарға күтәреләбеҙ икән, тимәк, Туймазылағы моң байрамы ла үҙ маҡсатына ирешә. Халыҡ сәнғәте артабан да сәскә атһын.
Миҙхәт ШӘРИПОВ.
Туймазы ҡалаһы.
Читайте нас:
Редакция һайлауы
Новости партнеров
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж