Баш ҡаланың Рәми Ғарипов исемендәге 1-се республика башҡорт интернат-гимназияһында уҙғарылған быйылғы бәйгегә көсөн һынарға 300-гә яҡын уҡыусы килде. Ырымбур, Силәбе, Ҡурған өлкәләренән дә милләттәштәребеҙҙең бер ҙә ҡатнашмай ҡалмауҙары һөйөндөрә. Илһөйәр, телһөйәр балалар өс турҙа үҙҙәрен күрһәтте. Башҡа йылдарға ҡарағанда, олимпиадала һиҙелерлек үҙгәрештәр ҙә бар. Ә бөгөн мәртәбәле бәйгене ябыу тантанаһы үтә.