+12 °С
Ямғыр
Бөтә яңылыҡтар
Бәйгеләр
26 Апрель 2019, 20:47
«Өс шағир – өс яҙмыш»
Яңыраҡ Учалы районы һәм ҡалаһының мәктәп уҡыусылары өсөн иҫтәлекле ваҡиға булып үтте. 3-сө лицей бинаһында башҡорт шиғриәтендә тәрән эҙ ҡалдырған Рәмзилә Хисаметдинова, Вил Ғүмәров, Флүзә Әхмәҙиеваларҙың тыуыуҙарына 70 йылға арналған «Өс шағир – өс яҙмыш» исемле шиғыр һөйләүселәр конкурсы уҙғарылды.
Уны «Өлкәр» һәләтле балаларҙы күтәрмәләү хәйриә фонды, Учалы муниципаль районы хакимиәтенең мәғариф бүлеге һәм «Урал йәшмәләре» әҙәби берләшмәһе ойошторҙо.
Был мәртәбәле бәйгелә ҡала һәм район мәктәптәренән V – X синыфта уҡыған 42 бала үҙ көсөн һынаны. Шарттарға ярашлы, унда ҡатнашыусы һәр уҡыусы ошо өс шағирҙың берәр шиғырын яттан һөйләргә тейеш ине.
Конкурс һөҙөмтәләре буйынса, алты бала – Оҙонгүлдән Лидиә менән Алһыу Ҡотоевалар, Жәүҙәт Сөнәғәтуллин исемендәге Иманғол мәктәбенән Илнур Филалов, Илсенән Гүзәл Вәлиева, 1-се башҡорт лицейынан Нәркәс Солтанова, Алмаз Исхаҡов исемендәге Уральск мәктәбенең Яңы Байрамғол филиалынан Ғаяз Мортазиндар лауреат тип табылды. Улар аҡсалата премиялар менән бүләкләнде. Шулай уҡ Иманғолдан Вадим Юнысов менән Альбина Ғәлиеваға, Учалы башҡорт гимназияһынан Милена Аллаяроваға, Мулдаҡайҙан Батырша Рамаҙановҡа һәм Илсенән Ғәлим Ғәйфуллинға, Миндәктәге 6-сы мәктәптән Азалиә Билаловаларға махсус приздар тапшырылды.
Конкурста ҡатнашыусыларҙың һәр береһенә шулай уҡ «Өлкәр» һәләтле балаларҙы күтәрмәләү фонды тарафынан баҫып сығарылған «Шәғәли Шаҡман юлы» һәм төбәгебеҙҙәге йәш авторҙарҙың әҫәрҙәренән төҙөлгән «Умырзая» исемле китаптар бирелде.
Мәүлит ЯМАЛЕТДИНОВ.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж