-14 °С
Болотло
TelegramТестарVKOK
Бөтә яңылыҡтар
Бәйгеләр
8 Ноябрь 2019, 12:47

Интернет-конкурс еңеүселәре

Мостай Кәримдең юбилейына бағышлап Миндәктәге 6-сы мәктәптең башланғыс синыф­тары араһында «Ҡоштар осорам» интернет-конкурсы ойошторолдо. Был бәйгелә ҡала һәм райондан 78 бала ҡатнашты. Шулай уҡ Әбйәлил яҡтарынан да эштәр тәҡдим ителде.

Был конкурсты ойоштороуҙа башланғыс синыфтарҙың методик берекмә етәксеһе Зөлфиә Туҡтарованың тырышлығы маҡтауға лайыҡ. Ул үҙенең әүҙемлеге менән райондың бөтә башланғыс синыф уҡыусыларын ҡы­ҙыҡһындырып, бәйгегә йәлеп итте. Төп эше араһында ла алды-ялды белмәй, интернеттан килгән һорауҙарға яуап биреп, балаларҙың видеояҙмаларын ҡарап, «Бәйләнештә» селтәрендәге конкурс диуарына урынлаштырҙы. Әлбиттә, был күпме ваҡыт һәм көс талап итә. Үҙенең уҡыусыларын да бәйгегә әҙерләп өлгөрөргә кәрәк.

Интернет-конкурста миңә жюри ағзаһы булараҡ ҡатнашырға тура килде. Бындай матур сараны үткәргән Миндәктең 6-сы мәктәбенә һәм Зөлфиә Ғаҡыл ҡыҙына ҙур рәхмәтемде еткергем килә. Уның кеүек үҙ эшенә мөкиббән киткән кешеләр күберәк булһын ине.

Ә интернет-конкурстың абсолют еңеүселәре тип Яҙгөл Нажарова (Бәләкәй Ҡаҙаҡҡол), Даяна Хәсәнова (Учалылағы башҡорт гимназияһы), Арыҫлан Хөснуллин (Наурыҙ), Арсен Ғәзизов (Миндәктәге 7-се мәктәп), Нургизә Камалетдинова (Ураҙ лицейының Ҡотой филиалы), Камилла Уйылданова (Илсе) танылды. Баһалама төркөмө тарафынан еңеүселәр, номинацияларҙа призёрҙар ҙа билдәләнде.


Зөһрә ШАҺИЕВА, ауыл китапханасыһы.
Учалы районы.

Читайте нас в