Бөтә яңылыҡтар
Бәйгеләр
24 Ғинуар 2020, 19:32

«Бирешмә» беренсе үҫмерҙәр премияһын алғың килһә...

«Ура! Ура! Ура! Һеҙ көткән яңылыҡ! Беҙ быйыл да «Бирешмә!» беренсе үҫмерҙәр премияһын тапшырырға булдыҡ!» – тип хәбәр итә «Бәйләнештә» селтәрендәге төркөмдәрендә «Тамыр» телеканалының «Бирешмә» проекты.

«Әгәр ҙә һин үҙ һүҙле, тәүәккәл, ҡыйыу, батыр! Йә һинең дуҫың ҡаршылыҡтарҙы йырып сығып, фән, әҙәбиәт, сәнғәт, спорт һәм башҡа өлкәләрҙә уңыштарға ирешкәндер?! Тимәк, һеҙ – беҙҙең геройҙар!» – тип тә еткерәләр төркөмдәрендә.
Премияға 8-ҙән 18 йәшкә тиклем балалар һәм үҫмерҙәр дәғүә итә ала. Ғаризалар 20 февралгә тиклем ҡабул ителә! Еңеүселәр «Башҡортостан» дәүләт концерт залында 2 мартта бүләкләнәсәк. Һәр ҡатнашыусыға ла диплом, ә еңеүселәргә кубок һәм аҡсалата премиялар ҡаралған.
Тулыраҡ мәғлүмәтте «Бәйләнештә» селтәрендәге https://vk.com/bireshma_serial төркөмөндә беркетелгән документтарҙа алырға була. Белешмәләр өсөн телефон һандары: 8-917-362-37-55, 8-905-355-40-05 Гөлшат Сәғит ҡыҙы Ғәлиуллина.
Читайте нас в