+12 °С
Ямғыр
Бөтә яңылыҡтар
Бәйгеләр
29 Ғинуар 2020, 16:15
«Башҡортостан ынйылары» тарихи шәхестәргә арнала
Белорет ҡалаһындағы Яныбай Хамматов исемендәге башҡорт гимназияһында матур сара – «Башҡортостан ынйылары» республика балалар фольклор фестиваленең район этабы үткән.
Унда ошо гимназиянан, Шығайҙан, Инйәрҙең 2-се мәктәбенән, Абҙаҡтан фольклор төркөмдәре ҡатнашҡан.
Белеүебеҙсә, «Башҡортостан ынйылары» Мәрйәм Бураҡаева тәҡдиме менән ойошторолоп, ике йылға бер тапҡыр Әлшәй районында үткәрелә. Быйыл ул «Рухи байраҡ һинең исемең» исеме менән уҙа һәм республикабыҙҙың тарихи шәхестәренә арнала.
Белореттар ҙа тырышып күренекле яҡташтары тураһында матур театрлаштырылған сығыштар әҙерләгән. Шығайҙар композитор, ҡурайсы – Абдулла Хәлфетдинов, инйәрҙәр – сәхнә оҫтаһы Арыҫлан Мөбәрәков, абҙаҡтар – данлыҡлы рәссам Әхмәт Лотфуллин, Яныбай Хамматов исемендәге башҡорт гимназияһының йәш фольклорсылары иһә композитор Заһир Исмәғилевҡа арналған ғилми-эҙләнеү эштәрен сәхнәләштергән. Бик йөкмәткеле сығыштар килеп сыҡҡан. Етәкселәре маҡтауға лайыҡ: заманына тура килтереп костюмдарын да әҙерләгәндәр, балалар килештереп уйнай. Афарин!
Гимназияның башҡорт теле һәм әҙәбиәте уҡытыусыһы Сәриә Ҡаһарманова етәкселегендәге «Иҙел башы» фольклор төркөмө был конкурста беренсе урын алып, зона ярышында ҡатнашыу бәхетенә эйә булған. Бәйге февралдә Белорет, Бөрйән, Учалы райондары һәм Сибай, Межгорье ҡалалары араһында уҙасаҡ. Республика кимәленә кемдәр сығасағы шунда билдәләнәсәк тә инде.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж