Бөтә яңылыҡтар
Бәйгеләр
16 Февраль 2020, 10:00

Бөтә Рәсәй фестивалендә ҡатнашҡың килһә...

30 майҙан 20 июнгә тиклем «Орлёнок» Бөтә Рәсәй балалар үҙәгендә уҙасаҡ «Ваҡиғалар уртаһында» фестиваленә һайлап алыу башлана.

Бында ҡатнашыу өсөн нимә эшләргә һуң? Иң беренсе 11 – 13 йәштәгеләрҙән өс кешенән торған команда йыйырға кәрәк. Унан «Орлёнок»тың автоматлаштырылған мәғлүмәт системаһында (унда 18 февралдән инеү мөмкинлеге асыла) теркәлеү талап ителә. Артабан портфолиоңды ебәрергә һәм конкурс заданиеһын үтәү мөһим. Ә 14 – 16 йәштәге уҡыусылар балаларҙың ойоштороу комитеты ағзалары була ала.
Быйыл Рәсәй уҡыусылары хәрәкәте һәм «Орлёнок» үҙәге үҙҙәренең юбилейҙарын билдәләй. Шул йәһәттән быйылғы фестиваль бигерәк тә үҙенсәлекле буласаҡ. Ҡара диңгеҙ буйына 500-ҙән ашыу уҡыусы йыйыласаҡ.
Бөтә Рәсәй фестивале ҡыҙыҡһындырһа, тулыраҡ мәғлүмәтте «Бәйләнештә» селтәрендәге ошо төркөмдән https://vk.com/rms_rb алырға мөмкин.
Читайте нас в