-7 °С
Болотло
TelegramVKOK
Бөтә яңылыҡтар
Бәйгеләр
10 Июль 2020, 13:57

Һүрәттәрҙә – тормоштоң бөтә йәме

«Вако» нәшриәте Татьяна Рик әҫәрҙәре буйынса ойошторолған «Тормоштоң бөтә йәме» балалар һүрәттәре конкурсына йомғаҡ яһаны.

Уҙған йылдың 15 ноябренән 19 майға тиклем үткән онлайн-бәйгелә Рәсәйҙең 47 төбәгенән һәм 9 илдән 5-тән 17 йәшкә тиклемге йәш рәссамдар ҡатнашты. Барлығы 620 рәсем ҡабул ителде. Һүрәт төшөрөүселәр эштәрендә ижади һәләттәрен генә түгел, әҙәби әҫәр­ҙәрҙең йөкмәткеһен дә төплө белеүҙәрен күрһәтте.

Конкурстың төп маҡсаты китаптарға ҡыҙыҡһыныу уятыу, атап әйткәндә, Татьяна Риктың үҫтереүсе йыйынтыҡтарына, балаларҙы һынлы ижади киңлеккә йәлеп итеү ине. Ә кем һуң ул Татьяна Рик? Ул – балалар яҙыусыһы һәм рәссам, китаптары төрлө нәшриәттәрҙә донъя күрә. Мәҫәлән, «Вако» нәшриәте уның «Ҡыҙыҡлы дәреслек» серияһын сығарған. «Һаумы, Исем!», «Хәйерле иртә, Сифат!», «Һаумы, Ҡылым ағай!», «Нисек йәшәйһең, Рәүеш?», «Сәләм, Сифат ҡылым!», «Хәлдәр нисек, Хәл ҡылым?», «Ҡур­ҡыныстарҙа һәм ҡыҙыҡтарҙа телдән иҫәп», «ӘлифбаРик» йыйынтыҡтарын балалар бик ярата. Һүҙ төркөмдәре хаҡындағы китаптарҙа геройҙар менән бергәләп Телмәр әкиәт иле буйлап сәйәхәт итәһең. Шат персонаждар менән уйынға инеп китеп, ғәҙәти булмаған мажараларҙа ҡатнашып, урыҫ теленең грамматикаһын да өйрәнәһең. Бына ошондай ғәҙәти булмаған дәреслектәр телгә һөйөү уятырға, хатаһыҙ яҙырға ярҙам итә лә инде.

Татьяна Рик әҫәрҙәре буйынса уҙғарылған балалар һүрәттәре конкурсында беҙҙең республикабыҙҙан ҡатнашыусы балаларҙың да исемдәрен белеп китәйек әле. Улар – Өфөнән Настя Пахомова, Рома Еремеев, Стәрлетамаҡтан Самир Ғәйнуллин, Бәләбәйҙән Аня Добрейкина, Шахноза Тлегенова, Регина Шакирова, Илья Николаев, Яңауылдан Айнур Яп­паровтар. Ойоштороусылар бөтә ҡатнашыусыларға рәхмәттәрен белдерә һәм яңы еңеү­ҙәр, уҡыуҙарында уңыштар теләп ҡала.
Читайте нас в