+12 °С
Ямғыр
Бөтә яңылыҡтар
Бәйгеләр
21 Август 2020, 14:57
Гран-при – Илеш ҡыҙына!
Быйыл «Урал батыр» эпосын яттан һөйләүселәрҙең XXII халыҡ-ара конкурсы ла дистанцион рәүештә үтте. Унда Башҡортостандың 31 районы һәм 7 ҡалаһынан, Ханты-Манси автономиялы округынан, Татарстандан һәм Канаданан бөтәһе 100-ҙән ашыу уҡыусы ҡатнашты. Бигерәк тә Өфө, Сибай, Стәрлетамаҡ ҡалалары, Бөрйән, Ейәнсура, Баймаҡ, Белорет, Баҡалы, Ишембай, Мәсетле, Туймазы, Учалы, Илеш райондарының йәш сәсәндәре һоҡландырҙы.
Гран-при иһә Илеш районы Тимерхан Нәжмиев исемендәге Ябалаҡ мәктәбенең VIII синыфын тамамлаған Диана Әғәлиеваға тапшырылды.
– Быйыл конкурс дистанцион рәүештә ойошторолдо. Беренсе турға эпосты һөйләгән видеояҙманы ебәрергә кәрәк ине, ә инде 4 августа жюри ағзалары алдында онлайн форматта сығыш яһаныҡ.
Мин был бәйгелә II cиныфтан алып ҡатнашып киләм. VII cиныфта эпосты тулыһынса ятлап бөтөрҙөм. Төрлө телдәрҙә яттан шиғырҙар һөйләргә, китаптар уҡырға, иншалар яҙырға яратам. Шулай уҡ волейбол, мандолинала, ҡумыҙҙа уйнау оҡшай, тикшереү эштәре алып барам. Яратҡан фәндәрем: Башҡортостан мәҙәниәте тарихы, йәмғиәтте өйрәнеү, башҡорт теле һәм әҙәбиәте, – ти еңеүсе ҡыҙ.
Диана «Урал батыр» эпосын Башҡортостан Республикаһы һәм Рәсәй Федерацияһы халыҡтары телдәрендә һөйләү буйынса халыҡ-ара конкурста II урын яулаған. Күп кенә республика бәйгеләрендә уңышҡа өлгәшкән. Мәҫәлән, Гагарин кубогына олимпиаданың республика этабында йәмғиәтте өйрәнеү һәм география буйынса призлы урын алған. Башҡортостан буйынса «Өкө балаһы» ғәмәли конференцияһында, «Кесе тыуған илем буйлап» йәш экскурсоводтар конкурсында еңеүсе булған.
Әйткәндәй, Ябалаҡ ауылы Башҡортостан менән Татарстандың сигендә урынлашҡан. «Беҙҙә башҡорттар ҙа, татарҙар ҙа йәшәй», – ти Диана.
Был һоҡланғыс Илеш ҡыҙына яңынан-яңы уңыштар теләйбеҙ.
Эльвира ӘСӘҘУЛЛИНА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж