«Башҡорт бал ҡорто» конкурсына йомғаҡ

Шуныһы ҡыуаныслы: әлеге бәйге онлайн рәүештә үткән «Алтын көҙ» Рәсәй агро сәнәғәт күргәҙмәһендә икенсе дәрәжә дипломға лайыҡ булды.

Конкурс Бөтә донъя бал ҡорто көнө һәм «Апимондия» халыҡ-ара умартасылар ассоциацияһының 47-се конгресына әҙерлек уңайынан уҙғарылды. Маҡсаты – башҡорт бал ҡортон һаҡлау проблемаһына иғтибарҙы йәлеп итеү.

Дистанцион бәйгелә ҡатна­шыу­сылар «Һүрәт», «Шиғыр», «Әкиәт, хикәйә», «Яһаған әйбер­ҙәр», «Шиғри видеоконкурс» номинациялары буйынса көстәрен һынаны. Ойоштороусылар хәбәр итеүенсә, барлығы 1 мең 200-ҙән ашыу ижади эш ҡабул ителгән. Балалар баҡсалары тәрбиәлә­неүселәре иң әүҙеме булған, 1 – 6 йәшлектәр 612 эш ебәргән, 7-нән 10 йәшкә тиклемгеләр – 398, 11-ҙән 14 йәшкә тиклемдәр – 191.

Еңеүселәр өс йәш төркөмөндә билдәләнде. Улар кемдәр, тиһегеҙме? Кескәйҙәр төркөмөндә «Һүрәт» номинацияһы буйынса Октябрьский­ҙағы 36-сы «Васильки» балалар баҡсаһынан Мәликә Хәкимова, «Яһаған әйберҙәр» буйынса Белореттағы 25-се «Тирмәкәй» балалар баҡсаһынан Мәликә Мәғәфүрова I урындар яуланы.

7 – 10 йәшлектәр араһында «Һүрәт» номинацияһында Туймазы районы Серафимовкалағы 3-сө мәктәптән Эмилия Мөхтәрова, Стәрлетамаҡтағы 5-се гимназиянан Станислав Чекуров еңеүсе булып ҡыуанды. Яһаған әйберҙәр буйынса Ишембайҙағы 17-се белем усағынан мәктәпкәсә төркөмдән Айдинә Ғөбәйҙуллина, Көйөргәҙе районы Арыҫлан-Әмәкәс мәктәбенән Гөлиә Әмәкәсованың эштәре иң шәбе тип табылды.

11 – 14 йәшлектәр араһында Туймазылағы 4-се мәктәптән Вика Кукушкинаның рәсеме I урынға лайыҡ булды. Яһаған әйберҙәр буйынса Йәрмәкәй районы Тар­ҡаҙы мәктәбенән Камилла Мөғәсимоваға етеүсе юҡ ине.

Башҡорт телендә шиғыр, әкиәт, хикәйә яҙыу оҫталары, шиғри видеоконкурс еңеүселәре исемдәре лә аталды. Иң бәләкәй­ҙәр төркөмөндә әкиәт, хикәйә ижад итеү буйынса Өфөләге 237-се балалар баҡсаһынан Булат Дәминев, шиғыр яҙыу буйынса Белореттағы 44-се балалар баҡсаһынан Рафаэль Йәләлетдинов еңеүсе тип табылды. 7 – 10 йәшлектәр араһында Октябрьский­ҙағы 12-се мәктәптән Әминә Исламова – ҡарһүҙе, Хәйбулла районы Аҡъярҙағы 3-сө «Шатлыҡ» балалар баҡсаһынан Гөлмирә Бикбова шиғыры менән I урынға лайыҡ булды. 11 – 14 йәшлектәр араһында «Әкиәт» номинация­һында Ғафури районы Красноусолдағы Нияз Мәжитов исемендәге башҡорт интернат-гимназияһының VI синыф уҡыусылары тәрбиәселәре Саимә Игелекова етәкселегендә башҡарған коллектив эш иң йөкмәткелеһе тип билдәләнде, шиғыр ижад итеү бу­йынса Өфөләге Фатима Мостафина исемендәге 20-се баш­ҡорт гимназияһынан Рамаҙан Иҡбаев еңеү яуланы. Шиғри видео­конкурс­та Борайҙағы 1-се балалар баҡсаһынан 3 йәшлек Иләриә Яхина оҫта һөйләүсе булып танылды.

Урыҫ телендә ижад итеүселәр араһында ла еңеүселәр билдәләнде. Бәләкәстәр араһында әкиәт яҙыу буйынса Өфөнөң 237-се балалар баҡсаһынан Ярослав Тарасов, шиғыр буйынса Стәрлетамаҡтағы 76-сы балалар баҡсаһынан Яна Калугина иң-иңдәр булып һөйөндө. 7 – 10 йәшлектәр араһында Октябрьскийҙағы 9-сы мәктәптән Саша Пла­тонова – әкиәте, Өфөнөң 96-сы лицейынан Тамара Давоян – яҙған шиғыры, 11 – 14 йәшлек­тәр араһында Стәрлетамаҡтағы 20-се мәктәптән Диана Яуһарова ижад иткән ҡарһүҙе менән еңеп сыҡты.

Конкурсҡа ике презентация ебәрелгәйне. Улар – Учалылағы 9-сы балалар баҡсаһынан 6 йәшлек Алһыу Аллағужина һәм Көйөргәҙе районы Рәшит Солтангәрәев исемендәге Яңы Таймаҫ мәктәбенән 7 йәшлек Асман Рахман­ғолов. Был балаларҙың эштәре бер ниндәй номинацияға ҡарамаһа ла, теманы үҙенсәлекле асҡандары өсөн дипломдар менән бүләкләнәсәк. Барлыҡ еңеүселәрҙе лә ҡотлап, һеҙҙең иғтибарға I урын алғандарҙың ижади эштәрен тәҡдим итәбеҙ.