+25 °С
Болотло
TelegramVKOK
Бөтә яңылыҡтар
Бәйгеләр
14 Декабрь 2020, 00:27

"Тамға" конкурсы финалсылары билдәле

"Торатау" конгресс-холы алдындағы майҙансыҡта "Тамға" Халыҡ-ара башҡорт милли кейеме конкурсының финалы уҙҙы. Унда Өфө, Туймазы ҡалаларынан, Мәскәүҙән, Салауат районынан, Силәбе, Ҡурған өлкәләренән һәм Ҡаҙағстандан оҫталар ҡатнашты. Бәйгегә бөтәһе 300-ҙән күберәк кеше 1 мең 500 эшен тәҡдим иткән.

"Башҡорт милли костюмы - реконструкция", "Заманса автор костюмы", "Балалар костюмы", "Башҡорт милли ювелир биҙәүестәре" һәм "Башҡорт традицион костюмы аксессуарҙары" тигән биш номинация буйынса III, II урынға лайыҡ булыусылар билдәләнде. Уларға 30 меңлек һәм 50 меңлек аҡсалата сертификаттар тапшырылды.
Ә иртәгә, Башҡорт теле көнөндә, Гран-при һәм I урынға лайыҡ булыусыларҙы тәбрикләйәсәктәр. Гран-при хужаһы 300 мең һумлыҡ аҡсалата сертификатҡа эйә буласаҡ, беренсе урын яулаусыларға иһә 1 мең һумлыҡ сертификат биреләсәк.
Башҡорт милли кейемен һаҡлауға үҙ өлөштәрен индергәндәре өсөн конкурста ҡатнашыусы һәр оҫта маҡтауға лайыҡ.
Фото: Бәйләнештә селтәренән.
Читайте нас: