Бөтә яңылыҡтар
Бәйгеләр
27 Декабрь 2020, 01:03

"Йәшлек шоу-2020. Перезагрузка" еңеүселәре билдәләнде

Быйылғы "Йәшлек шоу" Бөтә Рәсәй кимәлендә үткәрелеүе менән айырылып торҙо. Ә бөгөн финалға сыҡҡан 6 йырсы араһынан иң-иңе билдәләнде.

Ул интернетта тауыш биреү һөҙөмтәләре буйынса асыҡланды. Шулай итеп, Ҡырмыҫҡалынан RAHIMOV (Ришат Рахимов) 30,23 процент тауыш йыйып, беренсе урынды яуланы һәм 300 меңлек сертификатҡа эйә булды. Икенсе урында - Мәскәүҙән Алтынай Заһитова, ул 27,1 процент тауыш йыйып, 200 мең һумлыҡ сертификат алды. Өсөнсө урынға Ырымбур егете Илдар Абдуллин сыҡты: тауыштарҙың 20,5 проценты һәм 100 меңлек сертификат. Ҡотлайбыҙ!
Быйылғы фестивалдә яңғыраған автор йырҙары республиканың радиостанциялары һәм телеканалдарында трансляцияланасаҡ.
Читайте нас в