+12 °С
Ямғыр
Бөтә яңылыҡтар
Бәйгеләр
5 Март 2021, 13:02
Иң-иңдәр ҡайһы яҡтан?
«Өлгөлө башҡорт ғаиләһе» конкурсына йомғаҡ яһалды. Был бәйгегә старт 2016 йылда Бөтә донъя башҡорттары ҡоролтайының Стәрлетамаҡ бүлексәһе тарафынан бирелгәйне.
Улар Ғаилә, мөхәббәт һәм тоғролоҡ көнөндә тәүгеләрҙән булып «Етегән» байрамын ойоштора башланы. 2019 йылдан конкурс Башҡортостан Башлығы Радий Хәбиров тарафынан хуплау табып, республика кимәленә күтәрелде. Инде хәҙер «Өлгөлө башҡорт ғаиләһе» республика конкурсын уҙғарыу матур йолаға әйләнде, быйыл ул асыҡ форматта ойошторолдо.
Балаларын илһөйәр, телһөйәр итеп тәрбиәләгән, халҡыбыҙҙың тарихын, мәҙәниәтен һаҡлауға һәм үҫтереүгә ҙур өлөш индергән, милли кәсептәр менән шөғөлләнгән, сәләмәт йәшәү рәүеше алып барған өлгөлө ғаиләләр өс номинацияла тәбрикләнде. «Ғаилә оҫталығы»нда Хәйбулла районы Бәләкәй Арыҫланғол ауылынан Суриндар беренсе урынға лайыҡ булһа, икенселә – Салауат районы Урмансы ауылынан Сәйетғәлиндәр, өсөнсөлә – Саҡмағош районынан Ильясовтар.
«Ғаилә ҡиммәттәре» номинацияһында тәүге урын Өфө районы Шамонин ауылынан Мәхмүтовтарға бирелде, икенсе урында – Сибай ҡалаһынан Йәнбәковтар, өсөнсөлә – Миәкә районынан Ғәниевтәр ғаиләһе.
«Ғаилә ижады» номинацияһында беренсе урынды Стәрлетамаҡ ҡалаһынан Ишмөхәмәтовтар алды, икенселә – Өфө ҡалаһынан Шәһәрғазиндар, өсөнсө урын – Учалы районының Уральск ҡасабаһында йәшәүсе Үҙәнбаевтарҙа. Беренсе урынды яулаусыларға – 100 мең һумлыҡ, икенсе урын бирелеүсегә – 50 мең һумлыҡ, өсөнсө урынды алыусыларға 30 мең һумлыҡ сертификаттар тапшырылды.
Ырымбур өлкәһенән үҙҙәренең өс һәм тәрбиәгә алынған 17 баланы ҡараусы Рәйсә Әхмәҙулла ҡыҙы һәм Ғәли Ғәфиәт улы Сарбаевтарҙың күркәм ғаиләһе Бөтә донъя башҡорттары ҡоролтайының махсус призы – заманса телевизор менән бүләкләнде. Ә ғаилә башлығына «Ал да нур сәс халҡыңа» миҙалы тапшырылды.
Г. ИБРАЕВА.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж