+21 °С
Дождь
Бәйгеләр
17 Марта 2021, 05:25
Эштәр 23 мартҡа тиклем ҡабул ителә
Республикабыҙҙа VII – XI синыф уҡыусылары, һөнәри белем биреү учреждениеларында белем алыусы студенттар араһында Башҡортостан тарихы һәм мәҙәниәте буйынса олимпиада үтәсәк. Уны мәғариф һәм фән министрлығы ойоштора. Бәйгенең маҡсаты – Тыуған илебеҙ тарихын, мәҙәниәтен өйрәнеүгә ҡыҙыҡһыныу уятыу.
Республика олимпиадаһын үткәреүгә ярашлы, ойоштороу комитеты түбәндәге номинациялар буйынса эштәр ҡабул итә:
«Башҡорт тарихы йылы» (буклет йәки мультимедиа презентацияһы форматында проект эше);
«Башҡортостандың тарихи-мәҙәни һәйкәлдәре. Каруанһарай» (Каруанһарай тарихи-архитектура комплексына һәм Башҡортостандың тарихи-мәҙәни һәйкәлдәренә арналған видеояҙма);
«Бөтә Рәсәй халыҡ иҫәбен алыу» (шәжәрәне, ғаилә тарихын, нәҫел-нәсәпте өйрәнеүгә арналған фәнни-тикшеренеү эше);
«Алтынсы Бөтә донъя фольклориадаһы» (Донъя, Рәсәй һәм Башҡортостан халыҡтарының мәҙәни мираҫынан видеоинсценировка).
Олимпиадала ҡатнашыу өсөн ғаризаны һәм олимпиада эштәрен 23 мартҡа тиклем ikb.o@mail.ru электрон почтаһы буйынса ебәрергә кәрәк.
Республика олимпиадаһы 2 апрелдә Өфө ҡалаһында үтәсәк. Уның хаҡында тулыраҡ мәғариф һәм фән министрлығы сайтында таныша алаһығыҙ.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
