+12 °С
Облачно
Бәйгеләр
19 Марта 2021, 07:19
"Өләсәйем әкиәттәре" конкурсы иғлан ителде
Быйыл йәй Башҡортостанда VI Бөтә донъя фольклориадаһы уҙасаҡ. Әле ошо ҙур сараға әҙерлек барышында "Өләсәйем әкиәттәре" республика онлайн-конкурсы иғлан ителгән.
Бында халҡыбыҙҙың ауыҙ-тел ижадын һаҡлау һәм үҫтереү, һәләтле әкиәтселәрҙе асыҡлау, әкиәт жанрын популярлаштырыу маҡсаты ҡуйылған. Халыҡ әкиәттәрен һөйләүселәр бәйгеһенән тыш, фольклор әҫәрҙәренең текстарын тикшереү ҙә ойоштороласаҡ икән.
15-20 минутлыҡ видеояҙмалар ҡабул ителә. Коллектив эштәр ҙә хуплана, ул саҡта инде әкиәтте ролдәргә бүлеп һөйләйәсәкһегеҙ. Шуныһы ҡыуаныслы: бәйгелә мәктәпкәсә йәштәге балаларҙын алып өлкән йәштәге кешеләргә тиклем - һәр кем ҡатнаша ала. Еңеүселәр кескәйҙәр, уҡыусылар, студенттар, өлкән йәштәгеләр араһында айырым билдәләнәсәк. Конкурс тураһында тулыраҡ белер өсөн уның положениеһын уҡығыҙ. Видеояҙмаларҙы konkursskazok2021@mail.ru адресына 15 апрелгә тиклем ебәрергә кәрәк.
Был матур сараны «Берҙәм Рәсәй» партияһының төбәк башҡарма комитеты һәм Башҡортостан Республикаһының Халыҡтар дуҫлығы йорто булышлығында Башҡорт ҡатын-ҡыҙҙары йәмғиәте ойоштора.
Фото: социаль селтәрҙән.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
