+19 °С
Ясно
Бәйгеләр
23 Марта 2021, 04:47
VIII – XI синыф уҡыусылары, көсөгөҙҙө һынап ҡарағыҙ!
Өсөнсө йыл рәттән инде баш ҡала хакимиәтенең Мәғариф идаралығы Өфө дәүләт нефть техник университеты менән берлектә VIII – XI синыф уҡыусылары өсөн һөнәр һайлау алды олимпиадаһын ойоштора. Ул быйыл 24 марттан 17 апрелгә тиклем уҙасаҡ. Бәйгенең маҡсаты – уҡыусыларға һөнәр һайларға ярҙам итеү, уларҙың ижади һәләттәрен әүҙемләштереү. Быйылғы уҡыу йылында яңы «һанлы технология һәм робот техникаһы» йүнәлеше лә өҫтәлгән.
Олимпиада түбәндәге йүнәлештәр буйынса уҙасаҡ:
– инженер-конструктор (математика, физика);
– информацион-технология (математика, информатика);
– химия-технология (химия, математика);
– янғын һүндереү-техник (математика, физика);
– һанлы технология һәм робот техникаһы (математика, информатика).
Өфө һөнәр һайлау алды олимпиадаһы ике этапта үткәрелә. Тәүгеһендә – дистанцион этапта дөйөм белем биреү фәндәре буйынса эштәр үтәргә тәҡдим ителһә, икенсеһе – йомғаҡлау этабы ӨДНТУ нигеҙендә уҙасаҡ. Ситтән тороп ҡатнашыу этабы www.OLIMP.RUSOIL.NET сайтында ойоштороласаҡ.
Олимпиаданы үткәреү графигы:
Үткәреү ваҡыты | синыф |
Дистанцион этап | |
24, 25 март | VIII – IX синыфтар |
7, 8 апрель | X – XI синыфтар |
Йомғаҡлау этабы | |
10 апрель | VIII – IX синыфтар |
17 апрель | X – XI синыфтар |
Еңеүселәр һәм призёрҙар Өфө ҡала хакимиәтенең Мәғариф идаралығы һәм ӨДНТУ дипломдары менән бүләкләнәсәк. Еңеүселәр һәм призёрҙарҙың олимпиада һөҙөмтәләре уҡырға ингәндә иҫәпкә алынасаҡ.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
