+17 °С
Облачно
Бәйгеләр
30 Марта 2021, 03:47
Гармунсылар бармы? Һеҙҙе байрамда ҡатнашырға саҡыралар
Фәтих Иҡсанов исемендәге «Моңға бай гармун байрамы» республика гармун байрамына ғаризалар ҡабул ителә башланы. Быйыл ул 28 – 29 майҙа Яңауылда үтәсәк. Бында солистар – тальянсылар, гармунсылар, тальянсылар һәм гармунсылар ансамблдәре (балалар, һәүәҫкәр, профессиональ төркөмдәр) ҡатнашырға саҡырыла.
Ҡатнашыусылар 17 йәшкә тиклем һәм 17 йәштән өлкән йәштәгеләр төркөмдәрендә оҫталыҡтарын күрһәтәсәк. Һәр уйнаусы 10 минутлыҡ ике конкурс әҫәрен әҙерләргә тейеш. Репертуар һайлау ирекле.
Тәүге һайлап алыу туры район-ҡалаларҙа үткәрелә. Икенсе тур 28 – 29 майҙа Яңауылда уҙасаҡ. Программала музыка ҡоралдарында уйнау конкурсы һәм бәйге еңеүселәренең Гала-концерты көтөлә.
Ойоштороусылары – республикабыҙҙың Мәҙәниәт министрлығы, республика халыҡ ижады үҙәге, Яңауыл районы хакимиәте. Ҡатнашырға ғаризалар 20 майға тиклем ontrcnt@bk.ru, kultura.62@mail.ru электрон почталары буйынса ҡабул ителә. Белешмәләр өсөн телефондар: 8 (347) 289 - 65-50, 8 (34760) 5-45-48, 5-45-74.
Фото: интернет селтәренән.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
