+27 °С
Облачно
Бәйгеләр
17 Апреля 2021, 14:00
Эмблема ниндәй булыр?
Республикабыҙҙа милли кейем көнөн йылына ике тапҡыр билдәләйбеҙ: апрелдең – өсөнсө һәм сентябрҙең икенсе йомаһында. Тиҙҙән уның эмблемаһы ла буласаҡ.
Ошо көндәрҙә Башҡортостан Республикаһы халыҡтары милли кейеме көнө эмблемаһын уйлап табыуға ижади конкурс иғлан ителде. Бәйге 10 сентябргә тиклем барасаҡ. Ә эштәр һәм ғаризалар 31 июлгә тиклем ҡабул ителә. Шуныһы иғтибарға лайыҡ: конкурста уҡыусылар ҙа ҡатнаша ала. Һүрәт төшөрөүгә оҫталығы булған 16 йәштән өлкәнерәк кешеләрҙән ижади эштәр, йәғни эмблемалар ҡабул ителәсәк. 1 – 31 августа конкурс эштәрен баһалама комиссияһы тикшерәсәк. Еңеүсенең исеме 10 сентябрҙә билдәле буласаҡ.
Конкурс эшен, ғариза-анкетаны anarodovrb@mail.ru адресына ебәрергә кәрәк.
Тулыраҡ мәғлүмәтте Башҡртостандың Халыҡтар дуҫлығы йорто һәм Башҡортостан халыҡтары ассамблеяһы сайтында табырға мөмкин.
Хаят ЙӘРМӨХӘМӘТОВА һүрәте.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
