+17 °С
Дождь
Бәйгеләр
14 Мая 2021, 04:35
Ғаризалар 17 майға тиклем ҡабул ителә
21-енән 23 майға тиклем баш ҡалабыҙҙа «Песни родной земли» тигән боронғо урыҫ йырҙарының асыҡ республика конкурсы үтәсәк. Уны республикабыҙҙың Мәҙәниәт министрлығы, республика халыҡ ижады үҙәге, урыҫ фольклоры үҙәге ойоштора.
Бында үҙенең йәшәгән ерендәге ғөрөф-ғәҙәттәрҙе өйрәнгән һәм таратҡан фольклор-этнография ансамблдәре, фольклор һәм вокал коллективтары, урыҫ йырҙары ансамблдәре һәм хорҙары, балалар сәнғәт, музыка мәктәптәренең коллективтары, студенттарҙың йәштәр фольклор клубтары һәм берекмәләре, айырым башҡарыусылар, фольклорҙы һөнәри тикшереүселәр, ауылдарҙағы инициативалы төркөмдәр, мәҙәниәт ирекмәндәре, урыҫ мәҙәниәте менән ҡыҙыҡһынғандар ҡатнашырға саҡырыла. Сара программаһында айырым төбәктәрҙә урыҫ халыҡ йырҙарын башҡарыу үҙенсәлектәрен һәм традицияларҙы өйрәнеү буйынса семинар, конкурсты асыу тантанаһы, коллективтар һәм айырым башҡарыусыларҙы тыңлау, жюри ағзалары һәм бәйгелә ҡатнашыусылар менән «түңәрәк өҫтәл», экскурсия программаһы, оҫталарҙың күргәҙмә-йәрминкәһе, конкурста ҡатнашыусыларҙы бүләкләү, концерт ҡаралған.
Конкурста ҡатнашыу өсөн 17 майға тиклем natalia_konda@mail.ru электрон почтаһына ғариза ебәрергә кәрәк. Төрлө һорауҙар буйынса 8 (347) 289 66 96, 8 905 355 44 20, 8 987 103 48 44 телефондары буйынса шылтыратып, белешергә була.
Фото: https://vk.com/kulturarb төркөмөнән.
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
