Иң шәп ҡурайсылар асыҡланды

Октябрьский ҡалаһында данлыҡлы ҡурайсы Ғата Сөләймәнов исемендәге конкурс быйыл егерменсе тапҡыр ойошторолдо. Унда республиканың 14 районы һәм 12 ҡалаһынан, Ырымбур, Силәбе, Төмән өлкәләренән ҡурайсылар ҡатнашты. Башҡортостандың атҡаҙанған мәҙәниәт хеҙмәткәре Мөхәмәт Түләбаев етәкселегендәге баһалама комиссияһы иң-иңдәрҙе билдәләне. Шуныһы ҡыуаныслы: бәйгелә балалар ҙа әүҙем ҡатнаша. Быйылғы Гран-при эйәһе - Өфөнән Айрат Ҡарасов. 12 йәшкә тиклемгеләр араһында - Силәбе өлкәһенән Алмаз Бикмәтов, 16 йәшкә тиклемгеләр араһында Туймазынан Радмир Ғүмәров еңеүсе булды. 16 йәштән өлкәнерәктәр араһында Стәрлетамаҡтан Динар Абдуллин һәм Учалынан Арсен Килмөхәмәтов беренселекте яуланы. 16 йәшкә тиклемге балалар ансамблдәре араһында Белореттан "Инеш" ансамбле иң яҡшыһы тип танылды, ә 16 йәштән өлкәндәр араһында сибайҙар еңде.Фотола: Алмаз Бикмәтов (https://argayash.com/).Автор: Эльвира Әсәҙуллина.