Конкурс башҡорт телендә әкиәт яҙыусыларға тәғәйенләнгән. Ҡатнашыусылар йәш кимәле буйынса 18 йәшкә тиклем һәм 18 йәштән өлкәндәргә бүленә.
Әкиәттәргә талаптар:
- Яңы, үҙенсәлекле сюжет;
- күләме буйынса әкиәт 3 биткә тиклем, Times New Roman шрифты, 14 кегль, 1,5 интерваллы булырға тейеш.
Эштәрҙе ебәргәндә беренсе битендә әкиәттең исемен,үҙегеҙҙең исем-шәрифегеҙҙе тулыһынса, йәшегеҙҙе, тыуған ерегеҙҙе, электрон почтағыҙҙы һәм телефон һандарығыҙҙы яҙырға онотмағыҙ. Әкиәттәр [email protected] адресы буйынса 5 декабргә тиклем ҡабул ителә. Шулай уҡ эштәрегеҙҙе социаль селтәрҙә #МинеңӘкиәт2021 хештегы менән һалыу мотлаҡ.
Әкиәттәр баһалама ағзалары күҙлегенән үткәс, бер ПДФ форматҡа йыйылып, социаль селтәрҙәрҙә һәм мәктәптәргә таратыла. Иң шәп әкиәттәр республика балалар гәзит-журналдарында баҫыласаҡ.
#БашФонд #Башкортостан #МинеңӘкиәт2021 #БашҡортТелеКөнө