+7 °С
Облачно
Бәйгеләр
12 Февраля 2022, 19:10
Атайым – Афған һуғышы ветераны
Атайым Рәшит Фәхретдин улы Әйүпов – матур тәбиғәтле Бөрйән бөркөтө. Тап шулай, тип әйткем килә минең. Ул:"Ҡырыҫ тәбиғәтле, яланғас тау-таштарҙан торған Афған илен күргәндән һуң, үҙ илебеҙ, тыуған еребеҙ ожмах һымаҡ", – ти. Эйе, атайым – Афғанистан сиген атлап сығыусы совет һалдаттарының береһе. Афған һуғышында ил именлеге өсөн үҙ өлөшөн лайыҡлы индергән һалдат бит ул... #АтайымТаянысымКонкурсы
Атайым – Афған һуғышы ветераны
Ул тәбиғәт ҡосағында йөрөргә ярата. Беҙҙе генә түгел, ситтән килгән ҡунаҡтарҙы (туғандарын, дуҫтарын, таныштарын) тәбиғәткә, йылға буйҙарына алып сыға, ер-һыу атамалары менән таныштыра. Хатта килгән ҡунаҡтар: "Тере энциклопедия", – тиҙәр, хатта үҙен. Атайым һәр саҡ, ҡайҙа йөрөһә лә ер-һыу атамаларын, ул тирәлә булған хәл-ваҡиғалар хаҡында ентекләп һөйләп бара. Унан һис шикһеҙ, яҡшы экскурсовод сығыр ине, тип уйлайым. Тәбиғәтте, Тыуған илен ныҡ ярата, шуға ла белгәндәрен беҙгә, балаларына, һөйләй һәм аңлата. Беҙ ғаиләлә – һигеҙ бала. Ныҡ бәхетлебеҙ. Атайым – уңған, тырыш һәм яҡшы кеше. Уға ныҡлы һаулыҡ теләйем.
Вәсилә Әйүпова, йәш хәбәрсе.
Бөрйән районы,
Байназар мәктәбе.
Атайым – Афған һуғышы ветераны
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
