Конкурста 7 – 17 йәшлек 105 уҡыусы ҡатнашҡан. Баһалама комиссияһы һәр номинация буйынса өсәр иң яҡшы эште һайлап алған. Дәртләндереү приздары ла бар. Шулай итеп, «Донъя осоусы күҙлегенән» тигән номинацияла Бөрйән районы Байназар ауылынан 10 йәшлек Әмир Мөхәмәтйәновтың “Тыуған яғым тәбиғәте бейектән» тигән эше I урынға лайыҡ булған.
«Герой портреты» номинацияһында еңеүсе – Иглин районы Охлебинин ауылынан 14 йәшлек Ангелина Миңлекәйева. «Быуындар бәйләнеше»ндә ошо уҡ ауылдан 9 йәшлек Әмилә Мөхәмәтшинаның “Беҙ – осоусылар» тигән һүрәте иң шәбе тип табылған.
Конкурста ҡатнашыусыларға сертификаттар ебәреләсәк. Ә еңеүселәрҙе бүләкләү тантанаһы Өфөлә үтәсәк, был турала хәбәр итәсәктәр.
Фото: https://www.bashinform.ru.