Күсмә кубок - Күмертау ҡалаһында

Икенсе турҙа командаларға ҡаршылыҡтар һыҙатын үтергә кәрәк ине. Күмертау ҡалаһындағы 10-сы мәктәптең шайморатовсылары абсолют еңеүсе исемен яуланы. Улар VI синыфта ғына уҡый әле, шулай булыуға ҡарамаҫтан, Рәсәй Геройы Миңлеғәле Шайморатов исемендәге кубокты алыуға өлгәштеләр. 

Ярышта иң яҡшы 20 команда ла асыҡланды. Улар - Өфө, Стәрлетамаҡ, Салауат, Межгорье ҡалаларынан, Архангел, Белорет, Благовар, Йылайыр, Илеш, Ҡалтасы, Кушнаренко, Стәрлебаш, Тәтешле, Нуриман, Өфө райондарынан. Алдан вәғәҙә ителгәнсә, был командалар Республика көнөндә Өфөгә саҡғырыласаҡ. Еңеүселәр Шайморатов генералға һәйкәл асыу тантанаһында ҡатнашасаҡ, шунда уларҙы "шайморатовсылар" сафына аласаҡтар.

Фотолар "Бәйләнештә" селтәренән алынды.