Ниһайәт, бәйгегә йомғаҡ яһар ваҡыт етте. Кемдәр иң-иңе булдымы?
Еңеүсе - Хәйбулланан Ләйлә Рәсембәтова! Икенсе урында – шул уҡ райондан Гөлфинә Ғөбәйҙуллина, ул яҡташынан саҡ ҡына ҡалышты. Ә өсөнсө урынды Бөрйәндән Сәид Ҡаһарманов яуланы.
Әйткәндәй, еңеүселәр тауыш биреү юлы менән билдәләнде. Әммә был бәйгелә еңелеүселәр юҡ. Беҙ матур-матур йөкмәткеле хаттар алдыҡ. Ҡатнашыусыларға барыһына ла рәхмәт әйтәбеҙ. Хаттарығыҙҙы гәзиттә лә баҫтырып сығарасаҡбыҙ.
Еңеүселәрҙе ихлас ҡотлайбыҙ. Уларға редакцияның Почёт грамотаһы һәм иҫтәлекле бүләге тапшырыласаҡ.