Рамазан Биккинин өсөн тауыш бирәйек

Шуға ла быйылғы унынсы турҙа туранан-тура ҡатнашты. Әммә остаздар уны хуплап боролманы. Быйыл йәш йырсыларҙы МакSим, Баста, Егор Крид баһалай. 

Беҙ Рамазандың һәләтле йырсы икәнен беләбеҙ. Ул 2022 йылда хатта "Өфө тулҡыны" конкурсында Гран-при яуланы. 

Рамазан сәнғәт мәктәбенең йыр һәм баян синыфтарында бәләкәйҙән шөғөлләнә. Төрлө концерттарҙа сығыш яһай. Инглиз телендә лә йырлай. Етәксеһе - Виктория Ариткулова. Әйткәндәй, Рамазан Биккинин «Маэстро Джаз» тигән XV  Бөтә Рәсәй балалар һәм үҫмерҙәр конкурсында һәм «Сулпылар» республика телевизион йыр бәйгеһендә Гран-приға лайыҡ булғайны. Яңыраҡ XII "Илһам" халыҡ-ара конкурсында ла шундай уңышҡа ирешкән. 

Рамазан "Тауыш.Балалар" конкурсында "Ласковый май"ҙың "Глупые снежинки" йырын башҡарҙы. 28 ғинуарға тиклем остаздар боролмаған иң яҡшы ҡатнашыусы өсөн тауыш биреү бара.

Ошо һылтанма  буйынса Рамазан Биккинин өсөн тауыш биреп, яҡташыбыҙға ярҙам итәйек. Йәш йырсыға проектта артабан да ҡатнашып, уңышҡа өлгәшеүен теләйбеҙ.

Фото: vk.com.