+28 °С
Болотло
Бәйгеләр
23 Март 2023, 18:21
Гран-при - Нефтекама актёрҙарына
23 мартта Өфөнөң "Нур" татар дәүләт театрында Республика мәктәп театрҙарының I фестиваль-конкурсының финалы үтте. Сағыу костюмдар, декорациялар... Был көндө театр йәш актёрҙар тауышынан гөрләп торҙо.
Конкурста республиканың төрлө төбәктәренән 143 театр коллективы ҡатнашҡайны. Шуларҙың 10-ы финалға һайлап алынды. Улар «Нур» театры сәхнәһендә үҙҙәренең спектаклдәрен күрһәтте. Мәктәп театрҙары етәкселәре, йәш актёрҙар өсөн оҫталыҡ дәрестәре лә булды.
Бүләкләү тантанаһын һәр кем тулҡынланып көтөп алды. Еңеүселәр Башҡортостан Республикаһы Мәғариф министрлығының дипломдары һәм матур бүләктәр менән билдәләнде.
Гран-при Нефтекама ҡалаһындағы 1-се лицейҙа эшләп килгән «Вьюга» мәктәп театрына бирелде. Унда VI — IX синыф уҡыусылары шөғөлләнә. Етәкселәре — урыҫ теле һәм әҙәбиәте уҡытыусыһы Наталья Спирянова. Дәртле әртистәр Михаил Зощенконың хикәйәләре буйынса «Тормошто уйнайбыҙ» тигән спектакль күрһәтте. Ысынлап та, бик килештерҙеләр, оҫта уйнанылар.
Фестиваль тураһында тулыраҡ мәҡәләне гәзитебеҙҙең алдағы һанында уҡырһығыҙ. Әлегә һеҙҙең иғтибарға фотолар тәҡдим итәбеҙ.
Автор фотолары.
Гран-при - Нефтекама актёрҙарына
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
