+21 °С
Болотло
TelegramVKOK
Бөтә яңылыҡтар
Бәйгеләр
29 Февраль , 15:46

Сәскәйҙәрең толом-толом, уны нисек үрәһең?

Халыҡ-ара ҡатын-ҡыҙҙар көнө уңайынан фотобәйге иғлан итәбеҙ, һылыуҡайҙар! Элек-электән беҙҙә оҙон, ҡалын толомдар гүзәллектең бер билгеһе булып һаналған. Йәш ҡыҙҙар араһында сәстәрен матур итеп үҫтереп, тәрбиәләп тороусылар күп. Урамда ла күҙ ирекһеҙҙән оҙон сәсле сибәркәйҙәргә төшә, эстән генә һоҡланып ҡуяһың.

Сәскәйҙәрең толом-толом, уны нисек үрәһең?
Сәскәйҙәрең толом-толом, уны нисек үрәһең?

Ә гәзит уҡыусыларыбыҙ араһында толом-толом сәс үҫтереүселәр күпме икән? Әйҙәгеҙ, матур фотоларығыҙ менән бүлешегеҙ, сибәркәйҙәр! Үҙегеҙ хаҡында ҡыҫҡаса мәғлүмәт бирергә лә онотмағыҙ: йәшәгән ерегеҙ, уҡыған мәктәбегеҙ, яратҡан шөғөлдәрегеҙ. Бәлки, толомдарығыҙ ҡыҙыҡлы хәл сәбәпсеһе лә булғаны барҙыр. Ә инде сәс тәрбиәләү буйынса файҙалы кәңәштәрегеҙ ҙә бар икән, бигерәк шәп!

“Оҙонсәс” бәйгеһенең еңеүселәре икәү булыр: береһен редакция хеҙмәткәрҙәре билдәләһә, икенсеһен тауыш йыйыу юлы менән белербеҙ. Башланыҡ! Фотолар 8 мартҡа тиклем "Бәйләнештә" битендә https://vk.com/topic-45440006_49556138 һылтанмаһы буйынса ҡабул ителә.

Автор:Лилиә Фазлетдинова
Читайте нас: