Учалы районы Мәҫкәү ауылында “Зарница” ойошторолдо. Унда I – IX синыф уҡыусылары ярышты. Балалар уйындың төрлө этаптарында үҙҙәренең белемен һәм оҫталығын күрһәтте. Командаларға бирелгән маршрут ҡағыҙында станцияларҙы үтеү шарттары яҙылғайны. Һәр береһендә судьялар мәрәйҙәрҙе яҙып торҙо.
Уҡытыусы Булат Наил улы Бүләков ҡатмарлы ла, ҡыҙыҡлы ла һынауҙар әҙерләгәйне. Оҫталыҡ, тиҙлек, ҡыйыулыҡ һәм, әлбиттә, татыулыҡ балаларға һәм үҫмерҙәргә бөтә станцияларҙы уңышлы үтергә ярҙам итте. Хатта өшөмәнеләр ҙә, саф һауала рәхәтләнеп ярыштылар.