Башҡорт теле һәм әҙәбиәте уҡытыусылары араһында һөнәри бәйгелә 55 педагог ҡатнашып, бишеһе финалға сыҡты һәм лауреат исеменә лайыҡ булды. Улар – Нефтекамалағы 7-се мәктәптән Эльза Сәғит ҡыҙы Ғилманова, 2-се "СМАРТ" республика полилингваль күп йүнәлешле гимназияһынан Миләүшә Рамаҙан ҡыҙы Ғирфанова, Благовещен ҡалаһындағы М.А.Киняшов исемендәге 6-сы мәктәптән Гөлнара Фридрих ҡыҙы Дәүләтбаева, Баймаҡ районы Иҫке Сибай мәктәбенән Азалия Варис ҡыҙы Ибраһимова, Финанс университетының Өфө филиалы колледжынан Зарина Урал ҡыҙы Нәзирова. Абсолют еңеүсе – Азалия Ибраһимова. Ҡотлайбыҙ!
"Башҡортостандың йыл уҡытыусыһы – 2024" конкурсының абсолют еңеүсеһе исемен иһә Өфөләге Н.И.Кузнецов исемендәге 105-се гимназияның тарих һәм йәмғиәтте өйрәнеү уҡытыусыһы Сергей Наумов яуланы. Еңеүселәр Рәсәй кимәлендәге конкурста Башҡортостан данын яҡлаясаҡ.
Фото: "Бәйләнештә" селтәренән.