"Шаян лига" шаярта!

Баһалама ағзалары һәр сығышты иғтибар менән ҡарап үҙ билдәләрен ҡуйҙы. Тамаша залы туп-тулы ине.

Шулай итеп, кемдәр һуң быйылғы еңеүселәр?

Гран-при – Өфөләге Рауил Бикбаев исемендәге 102-се башҡорт гимназияһының “Етегән +1” командаһында!

I урын лайыҡлы рәүештә “17-се йыһан” командаһына (Өфөләге 17-се мәктәп) бирелде.

II урында – “Замана балалары” (Ишембай, Этҡол) менән “4К” (Ишембай, Кинйәбулат).

III урын – “Башстайл” (Өфө ҡалаһындағы Мостай Кәрим исемендәге 158-се башҡорт гимназияһы), “Төньяҡ амурҙары” (Дыуан районы Мәсәғүттәге Тимер Йосопов исемендәге республика интернат-лицейы), “Шилмалар” (Ишембай районы Көҙән мәктәбе), “Тупаҡ” (Әбйәлил районы Тупаҡ мәктәбе).

“Йыл асышы” – “Быймабаштар” (Әбйәлил, Атауҙы).

“Тамашасы һөйөүе” – Тәтешле районынан “ТТ” командаһы. 

Командалар бүләктәр алып һөйөндө. Уҡыусыларҙы КВН-ға әҙерләгән етәкселәргә лә дипломдар тапшырылды.

Ҡотлайбыҙ! Киләһе йыл да финалда көтәбеҙ!

Юлай Кәримов фотолары.