Ҡурай байрамы уҙҙы

Унда Башҡортостандың 13 ҡалаһынан һәм 18 районынан, Силәбе өлкәһенән 400-ләгән музыкант үҙ оҫталығын күрһәтте.

Иң йәше Сибай ҡалаһынан 7 йәшлек Эмир Савинкин булһа, иң өлкәне - Бөрйәндән 65 йәшлек Ринат Абдуллин.

Гран-приға Стәрлетамаҡ ҡалаһынан Динар Абдуллин лайыҡ булды. Ансамблдәр араһында 16 йәшкә тиклемгеләр араһында конкурстың I дәрәжә лауреаттары - Дәүләкәндән Р.Х.Тимеров етәкселегендәге өлгөлө ҡурайсылар ансамбле; 

Рәми Ғарипов исемендәге 1-се республика башҡорт интернат- гимназияһының В.Р.Баймырҙин етәкселегендәге Әҙеһәм Исҡужин исемендәге өлгөлө ҡурайсылар ансамбле.

16 йәштән өлкәндәр араһында - Белорет ҡалаһының " Иҙел башы", Бөрйән районының "Мәсемташ" халыҡ ансамблдәре еңеүсе.

12 йәшкә тиклемге солистар араһында Өфөнән Әмир Кәримов һәм Октябрьский ҡалаһынан Михаил Бронников иң-иңе булып танылды.

12-16 йәшлектәр араһында Баҡалынан Азамат Ханнанов I урын яуланы.

16 йәштән өлкәнерәктәр араһында Өфөнән Илгиз Нәҙерғолов, Баймаҡ районынан Хәбир Аралбаев, Әлшәй районынан Нияз Ғиззәтуллин еңеү яуланы. Ғаилә ансамблдәре араһында Баҡалы районынан Ханнановтар ғаиләһе - I урында.