+16 °С
Болотло
Бөтә яңылыҡтар
Бала саҡ хәтирәләре
6 Март 2021, 15:05
Ҡыҙыл алмалар
Яҙ ҡояшы көндән-көн йылы нурҙарын йәлләмәй һибә, 8 Март етә – әсәйҙәр, ҡыҙҙар байрамы. Барыһы ла уларға ҡарата йыр сығара, шиғыр яҙа, йылы, матур теләктәр әйтә.
Ә миңә, ул көн яҡынлашҡан һайын атайым иҫемә төшә. Сөнки бәләкәйҙән үк 8 Марттың йәмен дә, тәмен дә татытып үҫтерҙе.
Беҙ бәләкәй саҡта ауыл балаларына алма тигән ризыҡ айына түгел, бәлки, йылына бер тапҡыр ғына тәтегәндәр әле. Сөнки магазинда көнкүреш өсөн кәрәкле тауарҙар ғына һатыла ине, ә емеш-еләк кеүек тәм-томдар бик һирәк килде, уныһы ла күп кешегә етмәй ҙә ҡала. Был ни өсөн һүҙҙе алманан башланы икән, тиһегеҙҙер?
...Яҙ ҡояшы иркәләп, битемдән һыйпап ҡына уятты. Күҙемде асып ебәрһәм, йоҡлаған мендәрем өҫтөндә ҡып-ҡыҙыл ике алма тәгәрәп ята. Йоҡо аралаш аңламайынса, аптырап та киттем. Кисә магазинға тауар килмәгәйне, шикелле. "Әллә таң менән беҙгә ҡаланан берәй ҡунаҡ ҡайттымы икән?" Шуныһы ла ҡыҙыҡ булды, тышта – ап-аҡ ҡар, ә минең мендәрҙә – янып торған, кып-ҡыҙыл һутлыҡайҙар. Икенсе бүлмәнән өләсәйем килеп сыҡты ла:
- Ҡыҙым, хәйерле иртә! Байрам менән һине, балам!
- Ниндәй байрам, өләсәй?
- 8 Март – ҡатын-ҡыҙҙар көнө бит бөгөн. Бына, күрәһеңме, һиңә атайың тәмле генә бүләк тә ҡалдырҙы.
- Бүләк, миңәме? Уй-йй, күҙҙең яуын алып торалар, хатта ашарға ла йәл. Атайым ҡайҙан алды икән быларҙы?
- Әллә инде...
Ана шул ваҡыттан башлап, 8 Март байрамы барлығын белдем. Ошондай яҙғы иртәләр йыл һайын ҡабатланды. Көндөң ниндәй булыуына ҡарамаҫтан, буранмы, һыуыҡмы, ҡояшлымы, һәр саҡ баш осомда таң менән ҡыҙыл алмалар ҡаршыланы. Уларҙың һаны берәү йә икәү булды. Ҡайҙан, нисек тәмлекәстәрҙең унда килеп ятыуы минең өсөн әлегә тиклем билдәһеҙ. Сөнки атайым бер ваҡытта ла бының серен сисмәне.
Ҡәҙерлем күптән был донъяла юҡ инде, әммә уның шул тиклем иғтибарлы булыуы хәтеремдә ныҡ уйылып ҡалған. Ул ваҡытта тиҫтерҙәрем араһында иң шәп бүләк, әлбиттә, минеке булғандыр? Шуғалырмы, 8 март көндө өҫтәлдәге емеш һауытыма өйәләмә итеп ҡыҙыл алмалар ултыртырға яратам. Сөнки әле булһа, мендәр өҫтөндәге һутлыҡайҙарҙы һағынам.
Һүрәт: demiart.ru
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж