+13 °С
Болотло
Бөтә яңылыҡтар
Батырҙар беҙҙең арала
16 Ноябрь 2018, 16:45
Ҡыйыуҙарға – бүләктәр
«Ҡурҡмаҫ йөрәкле, батыр балалар булғанда республикабыҙ үҫешәсәк, йәшәйәсәк әле». Шулай тип белдерҙе Башҡортостан Башлығы вазифаһын ваҡытлыса башҡарыусы Радий Хәбиров йәш геройҙарҙы бүләкләү тантанаһында.
«Ҡурҡмаҫ йөрәкле, батыр балалар булғанда республикабыҙ үҫешәсәк, йәшәйәсәк әле». Шулай тип белдерҙе Башҡортостан Башлығы вазифаһын ваҡытлыса башҡарыусы Радий Хәбиров йәш геройҙарҙы бүләкләү тантанаһында.
Ошо сараға әсәйҙәре менән ете бала килгәйне. Уларҙың иң кесеһе – Өфөнән дүрт йәшлек Алексей Гребешков. Малай күрше йортта янғын сыҡҡанын күреп, атаһына хәбәр иткәне өсөн төбәк етәксеһенән Рәсәй Ҡотҡарыусылар союзының Рәхмәт хатын алды.
Хәйбулла районының Һамар ауылынан ун йәшлек Байназар Хәйбуллиндуҫы Илназ бәүелсәктән ҡолап, маңлайын йәрәхәтләгәс, күп уйлап тормай, уны велосипедына ултыртып, медицина пунктына алып барған. Малайҙы Рәсәй Ҡотҡарыусылар союзының «Ғүмерҙе ҡотҡарған өсөн» миҙалы менән бүләкләнеләр.
Күгәрсен районының Мораҡтағы Зәйнәб Биишева исемендәге мәктәптә V синыфта уҡыусы Азамат Арапов та ҡыйыулығы менән һоҡландырҙы. Ул кескәй генә ҡыҙҙы һыуға батыуҙан ҡотҡарған.
Стәрлетамаҡ районының Талас ауылынан 9 йәшлек Илһөйәр Бикҡолова – йәш ҡотҡарыусылар араһында берҙән-бер ҡыҙ кеше. Ул музыка, бейеү, һүрәт төшөрөү менән мауыға. Илһөйәргә Рәсәй Ҡотҡарыусылар союзының «Кеше ғүмерен ҡотҡарыуҙа ҡыйыулығы өсөн» миҙалы тапшырылды.
Герой балаларҙың иң өлкәне – Ишембай районының Үрге Этҡол ауылынан Ирек Үмәрбаев,уға – 14 йәш. Үҫмер яңғыҙ йәшәгән инәйҙең йорто яна башлауын күреп, атаһына әйтергә тип өйөнә йүгергән. Һуңынан, уның килгәнен көтмәйенсә, күршеһенә ярҙамға ашыҡҡан.
Боҙло һыуҙа дуҫын ҡотҡарған өсөн Бәләбәй районынан туғыҙ йәшлек Фәдис Сәлимгәрәев һәм ете йәшлек малайға янған йорттан сығырға ярҙам иткән Өфөләге 51-се мәктәптең V синыф уҡыусыһы Стёпа Литвинов та Рәсәй Ҡотҡарыусылар союзының наградаларына лайыҡ булды.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж