+9 °С
Болотло
Бөтә яңылыҡтар
Батырҙар беҙҙең арала
25 Июнь 2021, 13:15
Дуҫын ҡотҡарған малай
Һүрәттә һеҙ боҙ аҫтына китә яҙған иптәшен ҡотҡарған батыр малайҙы күрәһегеҙ.
Ҡыш булғанды йәй яҙалар, тип беҙҙе ғәйепләргә ашыҡмағыҙ. Быға тиклем был турала ике малайҙан башҡа берәү ҙә белмәгән шул. Сөнки балалар, ата-әсәләренең көйөүенән ҡурҡып, кешегә һөйләмәҫкә килешкән булған...
Декабрҙә Әбйәлил районының Мораҡай ауылында була был хәл. Ауыл биләмәһендә Яңы йыл ҡаласыҡтары әҙерләү буйынса конкурс иғлан ителә. Шуға ла ир-егеттәр Ҡыш бабай менән Ҡарһылыу һындарын яһау өсөн Ҡыҙыл йылғаһынан боҙ киҫеп ала. Уйылған урындар йүнләп туңып өлгөрмәгән була. Йылға өҫтөндә шыуып йөрөгән малайҙарҙың Аяз исемлеһе, боҙ емерелеп, һыу аҫтына төшөп киткәнен һиҙмәй ҙә ҡала. Ә Вадим Харрасов юғалып ҡалмай, сөнки уҡытыусыһы бындай осраҡта кешене нисек ҡотҡарырға кәрәклеген дәрестә һөйләгән була. Ул оҙон таяҡ таба һалып, шыуышып Аяз янына бара һәм бәләгә тарыған дуҫын тартып сығара.
Был көндө өйҙә булмау сәбәпле, атай-әсәйҙәр был хәл тураһында оҙаҡ ҡына белмәй тора. Әммә ваҡиғаны күреүсе-һөйләүселәр аҙаҡтан барыбер табыла.
Вадимдың әсәһен Мораҡай башланғыс мәктәбенә йыйылышҡа саҡыралар. Шунда Азалиә Харрасова IV синыфта ғына уҡыған улының батырлығы тураһында уҡытыусыларҙан белә. Вадимға һәм ҡыйыу ул тәрбиәләгән Харрасовтарға Аяздың әсәһе Люциә Исҡужина балаһын ҡотҡарған өсөн рәхмәтен еткерә.
Белгегеҙ килһә, ҡотҡарыусы бәләгә тарыусынан ни бары ике йәшкә өлкән. Ләкин эш йәштә түгел. Вадимдың спорт менән мауығыуы ярҙамға килә. Уны атаһы Белорет районының Абҙаҡ ауылындағы көрәш секцияһына алып йөрөй, малай төрлө ярыштарҙа ҡатнаша. Әйткәндәй, ул уҡыусыларҙың «Гагарин кубогы» олимпиадаһында физкультура буйынса ике йыл рәттән еңеү яулап, түш билдәһе менән бүләкләнгән. Вадим уҡыуҙан да яҡшы билдәләргә генә өлгәшә. Ул — Харрасовтар ғаиләһендә иң өлкән бала һәм ике ҡустыһына абруй һәм өлгө булып тора. Ата-әсәһе лә тәүәккәл, тырыш улдары менән ғорурлана һәм уға ышана, шуға ла кадет мәктәбенә уҡырға китергә теләгенә ҡаршы төшөргә теләмәйҙәр. Беҙ ҙә йәш батыр яҡташыбыҙға тик уңыштар ғына теләйбеҙ.
Мәҡәлә һуңында Вадимдың уҡытыусыһы Раушания Исмәғзәм ҡыҙы Ғаззалова тураһында ла бер-ике ауыҙ һүҙ әйтке килә. Нәҡ уның уҡыусыларына ғәҙәттән тыш хәлдәр килеп тыуғанда үҙеңде нисек тоторға кәрәклеге тураһында һөйләүе лә бәхетһеҙлеккә юл ҡуймағандыр. Юғиһә, бала кеше юғалып, баҙап ҡалыр ине, минеңсә. Бына бит ни тиклем мөһим уҡытыусының дәрестә белем генә түгел, ә тормошта кәрәкле һабаҡтарҙы биреүе лә, бәләгә тарыусыларға ярҙам итергә, ғөмүмән, кешенең кешегә дуҫ һәм иптәш булырға тейешлеген өйрәтеүе лә. Айырыуса бөгөн, ошо изге ҡиммәттәр юғала башлаған заманда...
Рәхимә МУСИНА,
«Осҡон» район гәзите хәбәрсеһе.
Әбйәлил районы.
Читайте нас:
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930-2024 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж