-5 °С
Болотло
Бөтә яңылыҡтар
Беҙҙең мәктәптә
26 Февраль 2019, 18:08
Хәрби – патриотик айлыҡ
Мәктәбебеҙҙә Ватанды һаҡлаусылар көнөнә ҡарата хәрби-патриотик айлыҡ булды. Хатта тәнәфестәрҙә лә буш торманы уҡыусылар. Ҡыҙыҡлы викторина, уйындар бер-береһе менән алышынып ҡына торҙо. Һәр бала үҙ атаһы тураһында буклет эшләне. Хәрби-патриотик темаға эстәлекле гәзиттәр сығарҙы. Мәктәптең тыуған яҡты өйрәнеү музейына экскурсия ла ойошторолдо.
“Көйҙө бел” тип аталған кисә бик ҡыҙыҡ үтте. Уҡыусылар бер нисә нотанан ғына торған хәрби йырҙы атарға тейеш ине. Был конкурста VI – VII синыфтыҡылар алға сыҡты.
Саңғы-сана эстафетаһы ла күңелле булды. Уҡыусылар синыф етәкселәре менән өс командаға бүленеп ярышты. Иң һуңынан йәшерелгән флагты эҙләп табырға кәрәк ине. Бының өсөн йомаҡты сисергә тейешһең. Балалар бер ҙә юғалып ҡалманы, тиҙ генә флагты көрт араһынан килтереп сығарҙы.
Пневматик мылтыҡтан атыуҙа VI синыф уҡыусыһы Линара Баязитова иң мәргәне булды.
Ә шашка ярышында Шайморат Фәтҡуллинға етеүсе булманы. Шулай уҡ Ильяс Шөғәйепов, Дияз Мөхәмәтйәнов, Айназ Мырҙағилдиндар ҙа ҡалышманы.
Театрлаштырылған тамашаға VIII – IX синыфтың уҡыусылары Мостай Кәримдең “Үлмәҫбай “поэмаһынан өҙөк сәхнәләштерҙе. Бишенселәр ҙә шул уҡ әҫәрҙе үҙҙәренсә киңәйтеп, бик оҫта уйнаны. “Шәфҡәт туташтары” яралыларҙы ҡарай, почта ташыусы хат килтереп һөйөнсөләй...
VI – VII cиныфтыҡылар әҙерләгән “Күләгә театры” ла бик күптәргә оҡшаны. Хәрби темаға әҫәрҙәр уҡынылар, аҙаҡ дәрестәрҙә фекер алыштылар.
Айлыҡты йомғаҡлап, еңеүселәргә Маҡтау ҡағыҙҙары, әүҙем ҡатнашыусыларға бүләктәр тапшырылды.
Мауыҡтырғыс сараны ойошторған уҡыу-уҡытыу эштәре буйынса директор урынбаҫары Эльвира Әмир ҡыҙы Баязитоваға, синыф етәкселәренә, ярҙам иткән уҡытыусыларға атай-әсәйҙәр ҙә ҙур рәхмәт белдерҙе.
Сәүиә Закирова, башҡорт теле һәм әҙәбиәте уҡытыусыһы.
Белорет районы, Ғәбдөк мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж