-3 °С
Ҡар
Бөтә яңылыҡтар
Беҙҙең мәктәптә
30 Август 2019, 14:01
Мәктәп йондоҙсоғо
Ирина Хәзиева – мәктәп йондоҙсоғо. Ул тик «дүртле», «бишле» билдәләренә генә уҡый.
Белем усағында уҙғарылған бар сараларҙа ла әүҙем ҡатнаша. Матур йырлауы етмәгән, оҫта итеп бейеп, бөтәбеҙҙе лә таң ҡалдыра. Шиғыр ҙа ижад итә. Шуға ла бик ихлас йәш хәбәрселәр, бейеү, һүрәт төшөрөү, театр түңәрәктәренә йөрөй. Төрлө конкурстарҙа ҡатнашып, призлы урындар ҙа яулай.
Район экологик плакаттар бәйгеһендә – I урын, Бөтә Рәсәй ижади эштәр конкурсында II урын яуланы. Ә Туймазы районы буйынса ойошторолған «Талпыныу» әҙәби ижад бәйгеһендә инде Ирина тағы беренсе булды. «Туған телем – наҙлы гөлөм» исемле агитбригадалар ярышында «Ҡомартҡы» номинацияһында еңеү яулауҙа ла уның өлөшө ҙур. Тырыш ҡыҙ төрлө олимпиадаларҙа ҡатнашып, белем кимәлен һынай. Ул Гагарин кубогына уҙған бәйгелә урыҫ теле, әҙәбиәт, башҡорт теле буйынса яҡшы һөҙөмтәләргә иреште.
Ирина спорт уйындары буйынса ойошторолған ярыштарҙа ла ҡатнаша. Бигерәк тә шахмат буйынса һынатмай.
Ул «Green Models» моделдәр әҙерләү студияһында шөғөлләнеп, диплом алды. Әле исеме «Celebrity kids» халыҡ-ара моделдәр базаһында тора, төрлө ерҙә сығыш яһай.
Йәйҙе лә Ирина бик файҙалы үткәрҙе. Бик күп әҙәби китаптар уҡыны, йортонда әсәһенә ярҙамлашты, еләк-емеш йыйҙы. Күптән түгел маникюр яһау серҙәренә өйрәнеү курсын уңышлы тамамлап, дуҫ-иш ҡыҙҙарының тырнаҡтарын биҙәп шатландырған. Нимәгә тотонһа, Иринаның ҡулынан килә шул. Үҙенең бик ҡаты ауырыуын еңергә күп көс һала. Үҙе сабыр, тыныс холоҡло һәм көслө рухлы ҡыҙыҡай ул.
Иринаның күңеле һәр саҡ күтәренке, гел йылмайып тора. Мәктәбебеҙ күгендә балҡыған сағыу йондоҙсоҡ ул! Күҙ теймәһен үҙеңә, яңы уҡыу йылында ла уңыштар һиңә!
Ләлә АБЗАЛОВА, уҡытыусы.
Туймазы районы, Бишҡурай мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж