+12 °С
Ямғыр
Бөтә яңылыҡтар
Беҙҙең мәктәптә
1 Ноябрь 2019, 14:06
Иң лайыҡлыларға – Мостай премияһы
Һай, бәхетлеләр ҙә инде бөйөк шағир исемен йөрөткән 158-се башҡорт гимназияһында белем алыусылар. Тик был белем усағында уҡығандарға ғына Мостай Кәрим исемендәге фондтың премиялары тапшырыла.
Бындай бәхеткә уҡыуҙа һынатмаған, йәмәғәт эштәрендә әүҙем, ҡала һәм республика кимәлендәге олимпиадаларҙа, фәнни-ғәмәли конференцияларҙа, шиғыр һөйләү бәйгеләрендә еңеүсе булған, призлы урын яулаған, спорт өлкәһендә һәйбәт һөҙөмтәләр күрһәткән 10 уҡыусы лайыҡ булды. Улар – Дәүләт Ғәйнуллин, Әҙилә Егорова, Ислам Зөлҡәрнәев, Зарина Сәйетғәлина, Зәйнәп Ғәлимова, Наҙгөл Әхмәтшина, Дамир Вәлиев, Ренат Ибраһимов, Марина Килбахтина, Асман Ҡарағоловтар. Был балаларға Мостай Кәрим исемендәге фонд директоры Әлфиә Кәримова Почёт грамоталары, аҡсалата бүләк тапшырып, алдағы көндәрҙә лә юғарыраҡ уңыштарға өлгәшеүҙәрен теләне. Халыҡ шағирының ҡыҙы гимназияның кабинет-музейына ла елән, атаһының портретын, уҡ һәм ян, китаптарҙы бүләк итеп алып килгәйне.
Премия тапшырыу тантанаһында уҡыусылар бөйөк шәхесебеҙҙең шиғырҙарын һөйләне. Ә Зилиә Бәхтиева менән Айгиз Ханов йырҙары байрамға тағы ла йәм өҫтәне. Икенсе синыф уҡыусыларының бейеүҙәре, «Мостай һүҙе – йөрәк һүҙе» гимназия проекты еңеүселәре Ярмуллиндар һәм Әминевтәр ғаиләләренең ялҡынлы сығыштары ла һәр кемдең күңеленә хуш килде.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж