Синыфта бишәү генәләр. Бөтәһе лә – волейболсылар. Азамат Фәхретдинов – төбәк-ара ярыштарҙа «Иң шәп һөжүм итеүсе» номинацияһы еңеүсеһе.
Ансаф Низамов эҙләнеү эше менән шөғөлләнеүсе уҡыусыларҙың республика этабында – I дәрәжәле дипломант булып, Бөтә Рәсәй турында ла ҡатнашҡан.
Шахматсы Эльза Әсәҙуллина – Йүкәлекүлдән. Ул биология фәненән район олимпиадаһында еңеү яулап, яҙ көнө республика бәйгеһендә Ҡыйғы районы намыҫын яҡлаған. Ә Гөлназ Мөхәмәтйәнова Иҫке Мөхәмәткә Яуындан йөрөп уҡый. Уның атаһының бер туған ағаһы Хәлил Мөхәмәтйәнов Афғанстанда интернациональ бурысын үтәгәндә һәләк булған икән. Гөлназ афғансылар тураһындағы эҙләнеү эше менән Бөтә Рәсәй кимәлендәге конкурста ҡатнашҡан. Өфөлә бүләкләү тантанаһына ла саҡырыла.
«Аҡйондоҙ» интеллектуаль ижад коллективында әүҙем шөғөлләнеүсе, оҫта ҡурайсы Сәлимйән Яруллин ошо көндәрҙә Малаяҙҙа үткәрелгән «Салауат батыры – 2021» бәйгеһендә I урын алып ҡыуанған. Ғөмүмән, мәктәп йылдарында «Башҡортостан ынйылары», «Урал батыр» эпосын һөйләүсе йәш сәсәндәрҙең республика конкурстары лауреаты ла була.
– Синыфымдағы уҡыусылар шул тиклем тәртипле, әүҙемдәр, берҙәмдәр. Улар менән айырылышыу ҡыйын булыр инде, – ти синыф етәкселәре Сәриә Сәлим ҡыҙы Яруллина.
Аҡ юл һәм уңыштар һеҙгә, сығарылыш синыфы уҡыусылары!