Ҡуян йылы менән хушлаштыҡ

«Нәфис һүҙ оҫтаһы» ижади берләшмәһе ағзалары, Х синыф уҡыу­сылары байрамды бик оҫта ойоштор­ҙо. Кескәйҙәр уйнаны, йырланы, бейене, Ҡыш бабайҙың йомаҡтарын да систе. Фәнис Хөс­нуллин менән Лиана Йәлилова байрамдың алып барыусылары булһа, Ҡыш бабай ролен Байрас Назаров килештереп баш­ҡарҙы, ә Ҡар­һылыу булып Эвелина Ҡотләхмәтова ихлас уйнаны.
Тәүҙәрәк бик башҡортса белмәгән Мәскәй әбей ҙә иртәлек барышында телебеҙҙе өйрәнеп, Ҡыш бабайға шиғыр һөйләп күрһәтте. Был ролде Нәркәс Хәмиҙуллина бик килештер­ҙе!
Уҡыусылар уйындарҙа бигерәк әүҙем булды. Уларҙы Тимур Ғабдуллин менән Диана Сәфәрова апайҙары ҡыҙыҡ итеп ойошторҙо бит! Афариндар!
Байрамда ата-әсәләрҙең дә дәррәү ҡатнашыуы ҡыуандыра. Беҙҙә улар менән тығыҙ бәйләнеш булдырыл­ған.
Ҡуян йылы менән хушлаштыҡ. Беҙҙең өсөн матур һәм иҫтәлекле булды ул. Яңы Аждаһа йылы уңыштар, һаулыҡ, тыныслыҡ алып кил­һен!
Байрамды ойошторорға булышлыҡ иткәне өсөн гимназия етәкселегенә, унынсыларҙың синыф етәксеһе Дилара Фәрит ҡыҙы Мөхәмәтшинаға рәхмәт.

Розалиә ЙӘЛИЛОВА,
башланғыс синыфтар уҡытыусыһы.
Ауырғазы районы.