+28 °С
Болотло
Беҙҙең мәктәптә
23 Ғинуар 2024, 05:12
Исеме – халҡыбыҙ күңелендә
Балалар моделле китапханаһында якташыбыҙ Ринат Хәйриҙең хәтер кисәһен үткәреү яҡшы йолаға әйләнгән. Быйыл да шағирҙың тыуған көнөндә Үрге Йәркәйҙәге 1-се гимназияның II “Б” синыфы уҡыусылары Зифа Нәғимйән ҡыҙы Әхмәтова етәкселегендә матур осрашыу ойошторҙо.
Исеме – халҡыбыҙ күңелендә
Ринат Хәйриҙең китаптарынан, фоторәсемдәренән, матбуғат биттәрендә сыҡҡан мәҡәләләрҙән бай күргәҙмә ойошторолдо. Уҡыусылар уның балалар өсөн сыҡҡан шиғырҙарын ятлағайны.
Ринат Хәйри иҫән саҡта күреп белгән, аралашҡан, уның кисәләрен үткәргән, ижадын пропагандалаган ветеран укытусы Ғәлимә Мансур кыҙы Ғәлиева иҫтәлектәре менән уртаҡлашты һәм уның шиғырҙарын һөйләне, уҡыусыларҙың һорауҙарына яуап бирҙе.
Уҡыусылар шағирҙы онотмай, кисәләр үткәрә, уны белгән шәхестәрҙе осрашыуҙарға сакырып тора. Әгәр иҫән булһа, ошо көндәрҙә Ринат Хәйригә 74 йәш булган булыр ине.
Г. МӘҒӘНӘБИЕВА.
Исеме – халҡыбыҙ күңелендә
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
