Ошо айҡанлы Өфө ҡалаһының 108-се мәктәбендә күңелле дәрес үтте. Уны III “В” синыфы етәксеһе Рәсилә Мәрүән ҡыҙы Ғилфанова ойошторҙо. Балалар Бианки тыуҙырған ғәжәйеп донъяға сәйәхәткә килеп сыҡҡандарын һиҙмәй ҙә ҡалды. Мауыҡтырғыс хәл-ваҡиғалар, мажараларҙың уртаһында ҡайнап йөрөгән геройҙар менән таныштылар. Өсөнсөләр төрлө әҫәрҙәр уҡып һәм тыңлап ҡына ҡалманы, уйындарҙа ҡатнашты һәм иң оҡшаған геройҙың портретын төшөрҙө.
Бианки яҙыусы ғына түгел, ә һүҙ тылсымсыһы ла шул. Яҙмалары үҙенә тартып тора. Ҡыҙыҡлы һүрәтләүҙәр аша балалар мөһим тормош һабаҡтарын өйрәнә. Дәрес онотолмаҫлыҡ булды!