Һабаҡташтар осрашыуы – әйтеп бөтөргөһөҙ хәтирәләр кисәһе ул. Байрамға ветеран, башланғыс синыфтарҙа белем биргән уҡытыусыларыбыҙ һәм мәктәптә эшләп киткән апай-ағайҙарыбыҙ килеп етте. Һәр береһе күңел түрендәге матур хәтирәләре менән бүлеште. Мәктәп йылдары күңелдәрҙә иң ҡыҙыҡ саҡтар булып уйылып ҡала, күрәһең.
Байрамды балалар башҡарыуында йыр-бейеүҙәр, уҡытыусы апайҙарыбыҙ, ағайҙарыбыҙ сығыштары биҙәне. Ҡунаҡҡа килгән һабаҡташтарҙың матур теләктәре, бүләктәре менән бергә концерт номеры ла әҙерләп килеүҙәре ҡыуандырҙы.
Был осрашыуҙы үткәреүгә әҙерлекте беҙ бер ай алдан башлайбыҙ. Сәхнәне матур итеп биҙәргә тырышабыҙ, сөнки иң ҡәҙерле ҡунаҡтарыбыҙҙы ҡаршылайбыҙ бит.
Альбина БАҠЫЕВА,
VIII синыф уҡыусыһы.
Әбйәлил районы, Амангилде мәктәбе.