Беҙҙә лә шайморатовсылар бар

Уларҙа икеһенең дә фотоһүрәттәре урынлаш­ҡан, биографиялары, Тыуған иле алдында ҡыл­ған батырлыҡтары тураһында мәғлүмәт яҙылған. «Герой партаһы» – ҡаһарманлыҡ, ныҡлыҡ һәм батырлыҡ символы. Йәш быуын быны онотмаҫҡа, илһөйәр, ҡыйыу булып үҫергә тейеш.
Беҙҙә хәҙер шайморатовсылар синыфы ла бар.
– Был синыфты асыу – илһөйәрлек тәрбиәһенең иң яҡшы алымдарының береһе. Махсуслаштырылған синыфта иғтибар күберәк илебеҙ тарихы, математика, Башҡортостан тарихы һәм мәҙәниәте, башҡорт теле һәм әҙәбиәте дәрестәренә йүнәлтелә, – тине бишенселәрҙең етәксеһе Алһыу Таштимер ҡыҙы Баймырҙина. Уҡыу­сылар шулай уҡ хәрби йүнәлеш буйынса өҫтәмә шөғөлләнәсәк, саф­ҡа теҙелеп атларға өйрәнәсәк. Һыбай йөрөү, йәйәнән уҡ атыу оҫталығы камиллаштырыласаҡ. Шайморатовсылар спортта ла, уҡыу­ҙа ла һынатмаҫ, тип ышанабыҙ.

Люциә ҒАТАУЛЛИНА.
Әбйәлил районы, Амангилде ауылы.