+12 °С
Ямғыр
Бөтә яңылыҡтар
Беҙгә килгән хаттарҙан
23 Ноябрь 2017, 15:29
Тыуған илем – бер генәм!
Күңелле йәшәйбеҙ, һәр көнөбөҙ ҡыҙыҡлы үтә. Бына әле яңыраҡ мәктәбебеҙҙә башҡорт теле һәм әҙәбиәте аҙналығы сиктәрендә «Тыуған илем – гөлдәр иле» тип аталған кисә ойошторолдо.
Һәр синыфтың сығышы ҡыҙыҡлы булды.
Күңелле йәшәйбеҙ, һәр көнөбөҙ ҡыҙыҡлы үтә. Бына әле яңыраҡ мәктәбебеҙҙә башҡорт теле һәм әҙәбиәте аҙналығы сиктәрендә «Тыуған илем – гөлдәр иле» тип аталған кисә ойошторолдо.
Тамашасыларҙы матур итеп биҙәлгән зал ҡаршыланы. Унда үҙебеҙҙең ижад емештәре – тыуған яҡҡа бағышланған матур-матур һүрәттәр, бай йөкмәткеле иншалар, плакаттар, ҡыҙыҡлы күргәҙмә урынлаштырылғайны.
Байрам сараһы ҡурай моңо менән асылып китте. VIII синыф уҡыусыһы Арыҫлан Абдрахманов милли башҡорт кейемендә халыҡ йыры «Абдрахман»ды уйнап ишеттерҙе. Уны барыһы ла тын ҡалып тыңланы. Һәр синыф башҡорт телендә йырҙар, бейеүҙәр, уйындар ҙа әҙерләгәйне. Береһенән-береһе сибәр, нәзәкәтле VI синыф һылыуҡайҙарының «Бөрйән ҡыҙҙары» һәм һигеҙенселәрҙең «Талир тәңкә» бейеүе тамашасыларға ныҡ оҡшаны.
«Башҡортостанды беләһеңме?» викторинаһында барыһы ла әүҙем ҡатнашты. Белгәндәр белемдәрен тағы ла арттырҙы, белмәгәндәр үҙҙәренә әллә күпме яңылыҡ асты. Һәр бер дөрөҫ яуап өсөн уҡыусыларға тәмлекәстәр, иҫтәлекле бүләктәр таратылды.
Төрлө телдәрҙә яңғыраған йырҙарҙы ла яратып тыңланыҡ. Беҙҙә йәшәгән төрлө милләт балалары башҡорт көйөнә рәхәтләнеп бейене, шиғырҙар һөйләне. Миңә айырыуса VI һәм VII синыф уҡыусыларының сығышы оҡшаны.
Тыуған яғыбыҙҙың мәҙәни тормошо, әҙәбиәте, тарихы тураһында бик күп нәмәләр белдек. Кисә бик ҡыҙыҡлы, бай йөкмәткеле һәм зауыҡлы итеп ойошторолғайны.
Байрам аҙағында «Яратам һине, Башҡортостаным!» исемле флешмоб үткәрелде.
Миләүшә СӘЙЕТОВА.
Хәйбулла районы, Подольск мәктәбе.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж