-4 °С
Ҡар
Бөтә яңылыҡтар
Беҙгә килгән хаттарҙан
22 Декабрь 2017, 12:46
Әкиәт донъяһы кеүек
Ҡыш әсе һыуыҡтары менән үҙәккә үтһә лә, үҙенең аҡлығы, сафлығы менән күңелгә яҡын, үҙенсә матур.Ысын ҡышты урманда ғына тойорға булалыр. Бына ошо уй-хистәр мине унда алып китте лә инде. Иртән иртүк саңғыларымды кейеп алдым да юлға сыҡтым.
Ҡыш әсе һыуыҡтары менән үҙәккә үтһә лә, үҙенең аҡлығы, сафлығы менән күңелгә яҡын, үҙенсә матур.
Ысын ҡышты урманда ғына тойорға булалыр. Бына ошо уй-хистәр мине унда алып китте лә инде. Иртән иртүк саңғыларымды кейеп алдым да юлға сыҡтым.
Урманда ҡышлаусы ҡоштарҙың ағастан-ағасҡа һикереүе бер аҙ йәнлелек өҫтәй. Ап-аҡ ҡар өҫтөндәге йәнлек эҙҙәре лә тәбиғәттең бөтөнләй йоҡлап ятмауын күрһәтә. Ағастар барыһы ла бәҫ менән ҡапланған. Әйтерһең, уларҙы үтә күренмәле ап-аҡ ебәк сорнап алған. Ябалаҡлап яуған йомшаҡ ҡар өйрөлөп әкрен генә ергә ята. Ә ҡайһы берҙәре аҫҡа төшөп етә лә алмай, ағас ботаҡтарына эленә, минең иңемә ҡуна.
Тирә-яҡ тып-тын, тик ара-тирә генә сатнама һыуыҡҡа ағастарҙың шартлап һынғаны, ҡайһы бер ҡоштарҙың сырылдашҡаны ишетелеп ҡуя. Бышылдап ҡына әйткән һүҙҙәр ҙә йыраҡтарға яңғырай. Бөтә донъяла әйтеп бөтмәҫлек матурлыҡ, аҡлыҡ. Урманды яңғыратып, рәхәтләнеп бер ҡысҡырғы килә. Тик туҡталып ҡалаһың. Һинең тауышыңдан ағастарҙағы аҡлыҡ ҡойолор ҙа матурлыҡҡа зыян килер кеүек.
Эйе, ҡышҡы урман матур шул! Иҫ китмәле сихри күренеш, әкиәт донъяһы!
Аделина БУЛАТОВА, IX «Г» синыфы уҡыусыһы.
Туймазылағы 2-се мәктәп.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж