+13 °С
Болотло
Бөтә яңылыҡтар
Беҙгә килгән хаттарҙан
25 Декабрь 2017, 19:09
Бөйөк мәғрифәтсегә арнап
Мифтахетдин Аҡмулланың тыуған көнөнә арнап баш ҡалабыҙҙың 107-се лицейында башҡорт теле байрамы үтте. Сағыу сара иртән иртүк мәктәп фойеһында башланып китте. Башҡорт теле һәм әҙәбиәте уҡытыусыһы Рәмзиә Һибәт ҡыҙы Яҡшыбаева уҡыусыларҙы һәм уларҙың ата-әсәләрен башҡорт телендә сәләмләп ҡаршы алды. Ә Өфө сәнғәт училищеһе студенты Илһам Үлмәҫҡоловтың өҙҙөрөп ҡурайҙа уйнауы байрамға йәм өҫтәп ебәрҙе.
Мифтахетдин Аҡмулланың тыуған көнөнә арнап баш ҡалабыҙҙың 107-се лицейында башҡорт теле байрамы үтте. Сағыу сара иртән иртүк мәктәп фойеһында башланып китте. Башҡорт теле һәм әҙәбиәте уҡытыусыһы Рәмзиә Һибәт ҡыҙы Яҡшыбаева уҡыусыларҙы һәм уларҙың ата-әсәләрен башҡорт телендә сәләмләп ҡаршы алды. Ә Өфө сәнғәт училищеһе студенты Илһам Үлмәҫҡоловтың өҙҙөрөп ҡурайҙа уйнауы байрамға йәм өҫтәп ебәрҙе.
I синыф уҡыусылары был көндө мәктәпкә үҙҙәренең яратҡан уйынсыҡтарын алып килеп, уларҙы башҡортса сәңгелдәк йыры йырлап йоҡлатты, наҙлы һүҙҙәр менән уятырға өйрәнде. II синыфтар Өфө тураһында шиғырҙар һөйләне, дәресте «Матур Өфө ҡалаһы» йыры менән тамамланы. III синыф уҡыусылары өсөн уҡытыусылары Юлия Владимировна Кузьмина ата-әсәләр ярҙамы менән «Шәжәрә байрамы» һәм «Башҡорт аш-һыуҙары» темаһына презентация әҙерләгәйне.
«Тамырыңды бел!» бәйгеһендә III «В» синыфы уҡыусыһы Алина Зарипова еңде, ул үҙенең нәҫел сылбырының 9 быуынын белеүе менән бөтәһен таң ҡалдырҙы. «Ғаиләмдең аҫыл кешеләре» проектында V «В»нан Данис Рафиҡов иң-иңе булды. Шиғыр һөйөүселәр бәйгеһендә Алина Аллаярова, Богдан Асабин, Кира Димитриева, Глеб Петров, Радмила Мирсәйәпова, Гөлнәзирә Хәмитовалар бер үк әҫәрҙе башҡорт һәм урыҫ телдәрендә оҫта башҡарҙы.
Алтынсылар «Башҡортостан – бай тарихым!» викторинаһында көс һынашты. «Өләсәй нәсихәттәре» дәресе лә барыһына оҡшаны.
Байрам аҙағында олимпиадалар, төрлө бәйгеләр еңеүселәренә Маҡтау грамоталары һәм Рәхмәт хаттары тапшырылды.
Зарина ЛОТФРАХМАНОВА, X «Б» синыфы уҡыусыһы.
Өфө ҡалаһы.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64, 89170477422.
Электрон почта
Адресы
450079, г. Уфа, ул. 50 летия Октября, 13, 8-й этаж