+7 °С
Ясна
Бөтә яңылыҡтар
Беҙгә килгән хаттарҙан
26 Ғинуар 2018, 13:45
«Миңә китап бүләк ит!»
Балалар баҡсаһының «Ҡурай» төркөмөндә китаптың абруйын арттырыу маҡсатында акция ойошторолдо. «Миңә китап бүләк ит!» тип аталды ул. Был сараға атайҙар һәм әсәйҙәр, хатта олатай-өләсәйҙәр ҙә кем уҙарҙан әүҙем ҡушылды. Улар балаларға башҡорт, урыҫ телдәрендә яҙылған сағыу, бай йөкмәткеле, матур эстәлекле шиғыр, әкиәт йыйынтыҡтары, төрлө ҡулланмалар, китапсыҡтар бүләк итте.
Балалар баҡсаһының «Ҡурай» төркөмөндә китаптың абруйын арттырыу маҡсатында акция ойошторолдо. «Миңә китап бүләк ит!» тип аталды ул. Был сараға атайҙар һәм әсәйҙәр, хатта олатай-өләсәйҙәр ҙә кем уҙарҙан әүҙем ҡушылды. Улар балаларға башҡорт, урыҫ телдәрендә яҙылған сағыу, бай йөкмәткеле, матур эстәлекле шиғыр, әкиәт йыйынтыҡтары, төрлө ҡулланмалар, китапсыҡтар бүләк итте.
Был акцияның йомғаҡлау сараһы итеп беҙ, тәрбиәселәр, Китап байрамы үткәрҙек. Унда ла атай-әсәй, олатай-өләсәйҙәрҙе саҡырҙыҡ. Бүләк ителгән йыйынтыҡтарҙан матур күргәҙмә ойошторҙоҡ, һәр ата-әсә улар менән таныштырып та китте. Мәҫәлән, Наҙгөл Рамаҙанованың әсәһе «Ҡуян баҙарҙа нисек бүре һатҡан» әҫәре хаҡында һөйләне. Зөлфиә Күскилдина ижад иткән китапта балалар өсөн фәһемле әкиәттәр, хикәйәләр тупланған. Әмилә Бикмәтованың әсәһе Рәсимә Әхмәтйән ҡыҙы Зөһрә Ҡотлогилдинаның «Витамин ҡайҙа үҫә?» исемле китабын килтергән.
– Витаминдың файҙалы икәне һәр кемгә мәғлүм. Ләкин уның ҡайҙа үҫкәнен генә белмәйбеҙ. Ошо әҫәр аша беҙ балаларҙы тыуған еребеҙҙә үҫеүсе шифалы үҫемлектәр менән таныштыра алабыҙ. Матур-матур биҙәктәр менән баҫылған был китап һәр кескәй күңеленә хуш килер, тип уйлайым, – тине ул үҙ сығышында.
Балалар ҙа байрамға шиғри күстәнәс әҙерләгәйне: улар халыҡ шағиры Мостай Кәримдең шиғырҙарын яттан һөйләне. Шулай уҡ кескәйҙәрҙең әкиәтте сәхнәләштереүе барыһына ла бик оҡшаны. Һәр бала үҙенә бирелгән ролде, образға инеп, оҫта башҡарҙы.
Байрам барышында балалар менән милли уйындар уйнаныҡ, матур йырҙар йырланыҡ. Кисәнән һәр ата-әсә үҙенә рухи аҙыҡ алып, күтәренке кәйеф менән таралышты. Ә беҙ улар бүләк иткән китаптарҙы балалар баҡсаһында көн дә ҡулланабыҙ: яңы әкиәт, шиғырҙар менән танышабыҙ, һүрәттәре буйынса ҡыҙыҡлы әңгәмәләр үткәрәбеҙ.
Миләүшә МӘХМҮТОВА, «Ҡурай» балалар баҡсаһы тәрбиәсеһе.
Сибай ҡалаһы
.
Читайте нас в
Гәзитебеҙ - дуҫыбыҙ
Күңелдәрҙең иләҫ-миләҫ сағы
1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г.Уфа, БИК 048073770, ИНН 0278066967, КПП 027843012, к/с 30101810600000000770.
Телефон
8 (347) 273-36-64.
Электрон почта
Адресы
450079, г. Уфа, ул. 50 летия Октября, 13, 8-й этаж