+11 °С
Болотло
Бөтә яңылыҡтар
Беҙгә килгән хаттарҙан
16 Февраль 2018, 15:50
Сәнғәт иленә сәйәхәт
Тыуған ҡалабыҙ Стәрлетамаҡтағы башҡорт драма театры үҙенең спектаклдәре менән тамашасыларҙы йыш ҡыуандыра. Тик быға тиклем тамашалар күберәк өлкәндәр өсөн ине. Ә бына яратҡан яҙыусыбыҙ Мостай Кәримдең «Өс таған» повесы буйынса спектакль ҡуйылыу беҙҙең өсөн дә шатлыҡ булды. Әҫәрҙәге малайҙарҙың балыҡ тотоп, бейек тау башындағы күлгә ебәрергә тырышыуҙары, шул арҡала төрлө мажараларға тарыуҙары тураһында беҙ V синыфта уҡығайныҡ.
Тыуған ҡалабыҙ Стәрлетамаҡтағы башҡорт драма театры үҙенең спектаклдәре менән тамашасыларҙы йыш ҡыуандыра. Тик быға тиклем тамашалар күберәк өлкәндәр өсөн ине. Ә бына яратҡан яҙыусыбыҙ Мостай Кәримдең «Өс таған» повесы буйынса спектакль ҡуйылыу беҙҙең өсөн дә шатлыҡ булды. Әҫәрҙәге малайҙарҙың балыҡ тотоп, бейек тау башындағы күлгә ебәрергә тырышыуҙары, шул арҡала төрлө мажараларға тарыуҙары тураһында беҙ V синыфта уҡығайныҡ.
Спектаклдә төп ролдәрҙе башҡарған Илһам Рәхимов, Рәсил Сынбулатов, Марат Зөбәйеров, Илфир Баймырҙин, Радик Ғәлиуллин ағайҙар менән бергә беҙҙең гимназия малайҙары Илһам Ғималов, Илдар Тимерғәлиев, Ислам Дәүләтбаев, 21-се мәктәптән Арыҫлан Нагаевтар бик килештереп уйнаны.
Ябай ауыл малайҙары, бәләкәй булыуҙарына ҡарамаҫтан, өлкәндәр кеүек ҙур хыялдар, оло маҡсаттар менән йәшәй. Улар тыуған ерҙең, тәбиғәттең именлеге, бөтөнлөгө өсөн тырыша. Киләсәк быуын өсөн дә тәбиғәт мәңге бай, матур булыуы өсөн ҡулдарынан килгәнсә көрәшәләр. Был малайҙар араһындағы үҙ-ара мөнәсәбәт, уларҙың бер-береһенең етешһеҙлектәрен асыҡ итеп, күҙҙәренә ҡарап әйтеүҙәре, үҙ ғүмерен ҡурҡыныс аҫтына ҡуйып булһа ла, башҡаларҙы ҡотҡарырға ташланыуҙары һоҡландыра. Беҙ үҙеңә ҡарата талапсан булыу, яуаплылыҡ тойғоһо, өлкәндәрҙе хөрмәт итеү, һәр саҡ дөрөҫлөктө генә һөйләргә тырышыу тормошта иң кәрәкле сифаттар икәнен аңланыҡ.
Стәрлетамаҡ башҡорт драма театры менән беҙҙең Жәлил Кейекбаев исемендәге 3-сө гимназия араһында бәйләнеш күптән булдырылған. Киләсәктә лә театр сәнғәтенең дуҫтары булып ҡалырбыҙ, тип ышанам.
Ә һеҙҙе 28 февралдә баш ҡалабыҙ Өфөнөң «Нур» татар дәүләт театры сәхнәһендә ҡуйыласаҡ «Өс таған»ды ҡарарға саҡырам. Барып ҡарағыҙ, үкенмәҫһегеҙ!
Гөлназ ҒИРФАНОВА, VI «Б» синыфы уҡыусыһы.
Стәрлетамаҡ ҡалаһы, Жәлил Кейекбаев исемендәге 3-сө гимназия.
Читайте нас:
Редакция һайлауы
Гәзитебеҙ - дуҫыбыҙ
Фильмдар
Күңелдәрҙең иләҫ-миләҫ сағы
© 1930 йылдың 12 февраленән нәшер ителә. Ойоштороусылары: Башҡортостан Республикаһының Матбуғат һәм киң мәғлүмәт саралары агентлығы, Башҡортостан Республикаһының «Башҡортостан Республикаһы» нәшриәт йорто дәүләт унитар предприятиеһы. Баш мөхәррире — Мирсәйет Ғүмәр улы Юнысов.
Башҡортостан Республикаһы буйынса элемтә, мәғлүмәт технологиялары һәм киңкүләм коммуникациялар өлкәһендә күҙәтеү буйынса федераль хеҙмәт идаралығында 2015 йылдың 18 авгусында теркәлде. Теркәү номеры — ПИ №ТУ02-01403.
Республиканский информационный центр – филиал государственного унитарного предприятия Республики Башкортостан Издательский дом «Республика Башкортостан».
Р./счёт 40602810200000000009 в Филиал ПАО «БАНК УРАЛСИБ» в г. Уфа, БИК 048073770, ИНН 0278066967, КПП 027843012, к/с 30101810600000000770.
Телефон
+7 347 273-36-64, +7 999 133-44-62.
Электрон почта
Адресы
450079, г. Уфа, ул. 50-летия Октября, 13, 8-й этаж